Нашр шуд: 19 Июни 2018

Диданд: 992

Душанбе, 19-уми июни соли 2018

Мутобиқи банди 46-уми “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 1-уми марти соли 2018, № 81 тасдиқ шудааст ва тибқи нақшаи чорабиниҳо оид ба ташкил ва гузаронидани имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли таҳсили 2018 – 2019 бо мақсади омода намудани омӯзгорон – тафтишгарони кори хаттӣ (эссе) дар 3 минтақаи ҷумҳурӣ – Душанбе, Бохтар, Хуҷанд семинар – машварати омӯзишӣ барои омода кардани кормандони муваққатӣ ҷиҳати тафтиши корҳои хаттӣ (эссе) дар ИМД – 2018 баргузор мегардад. Шумораи иштирокдорони семинар 200 нафар аст, ки мувофиқи нақша ба 20 гурӯҳ ҷудо карда шуда, ба ҳар як гурӯҳ роҳбар таъйин гаштааст. Ба ҷуз ин, аз ҷумлаи кормандони Марказ низ 6 нафар дар ин семинар иштирок хоҳанд кард.

Нашр шуд: 14 Июни 2018

Диданд: 966

Душанбе, 14-уми июни соли 2018

Дар доираи корҳои омодагӣ барои гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2018 Маркази миллии тестии назди Президенти Ҷумҳурии Тоҷикистон семинарҳои омӯзиширо барои кормандони муваққатӣ: роҳбар ва ёвари роҳбари маркази имтиҳонӣ, маъмур ва маъмури калони имтиҳон, бақайдгирандаи маркази имтиҳонӣ дар 26 нуқтаи 18 шаҳру ноҳияи ҷумҳурӣ гузаронид. Мувофиқи эълон дар марҳилаи 1-ум 3928 нафар хоҳишманд ҳуҷҷат супориданд. Дар марҳилаи 2-юм аз тарафи шуъбаи кадрҳо, коргузорӣ ва иттилоот ҳуҷҷатҳои пешниҳодшуда санҷида шуда, ҳуҷҷатҳои 2984 нафар хоҳишманд, ки ба талаботи дар эълон зикршуда мувофиқат карда буд, интихоб карда шуд. Дар марҳилаи 3-юм шуъбаи ташкил ва идораи имтиҳон ин ҳуҷҷатҳоро мавриди омӯзиш қарор дода, 2567 нафар довталаби барои кор ариза пешниҳодкардаро барои ширкат дар семинар-машварат иҷозат дод.

Нашр шуд: 06 Июни 2018

Диданд: 1209

Душанбе, 6-уми июни соли 2018

Ба таваҷҷуҳи шахсоне, ки дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2018 иштирок кардан мехоҳанду лекин худро дар марҳалаи асосии бақайдгирӣ (аз 1-уми март то 30-юми апрел) номнавис карда натавонистаанд, расонида мешавад, ки марҳалаи иловагии бақайдгирии довталабон барои иштирок дар ин имтиҳонҳо аз 12-уми июн оғоз мегардад. Марҳалаи иловагии бақайдгирии довталабон дар нуқтаҳои бақайдгирии танҳо шаҳри Душанбе, ки нишонии онҳо дар зер оварда шудааст, то 30‑юми июн ба роҳ монда мешавад.

Нашр шуд: 05 Июни 2018

Диданд: 1051

Душанбе, 5-уми июни соли 2018

Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2018 ҷадвалҳои баргузории имтиҳонҳо (даврҳои асосӣ ва иловагӣ) – қисмҳои А (имтиҳони умумӣ), Б (имтиҳони ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2018 тасдиқ гардид.