Душанбе, 29-уми январи соли 2016
Бо ибтикори Маркази миллии тестии назди Президенти Ҷумҳурии Тоҷикистон 29 – уми январи соли 2016 дар маҷлисгоҳи Марказ (ш. Душанбе, хиёбони Рӯдаки 192) бо иштироки намояндагони масъули Марказ, Вазорати маориф ва илми Ҷумҳурии Тоҷикистон, директорон, намояндагони ваколатдори муассисаҳои таҳсилоти миёнаи касбии ҷумҳурӣ ва дигар намояндагони муассисаҳои таълимии мазкур мизи мудаввар доир гардид. Дар ҷамъомад низоми имтиҳонҳои марказонидаи дохилшавӣ, имтиҳонҳои эҷодӣ ва маҳорати махсус, инчунин ҳамкории Маркази миллии тестии назди Президенти Ҷумҳурии Тоҷикистон ва муассисаҳои таҳсилоти миёнаи касбӣ баррасӣ гардид.
Ҷамъомадро муовини аввали директори Марказ Савзалӣ Ҷаъфаров ҳусни ифтитоҳ бахшид. Сипас, сардори шуъбаи кор бо муассисаҳои миёна ва олии касбӣ Шодиев Мирзошариф дар мавзӯъҳои номбаршуда маърузаҳо хонд.
Вобаста ба масъалаҳои баррасишуда мубоҳисаҳои судманд баргузор шуд.
