Маркази миллиии тестӣ барои ба ҳар як шаҳрванд фаҳмонидани мақсади таъсис, ҳадаф ва афзалияти Маркази миллии тестӣ ва роҳҳои ба шогирдон фаҳмонидани он, тарзи ташкил ва ба роҳ мондани корҳои фаҳмондадиҳӣ ва иттилоотию тарғиботӣ аз тарафи муассисаҳои таълимӣ бо аҳли  ҷомеа (падару модарон, омӯзгорон, хонандагон ва ғ.).

Омода намудани хатмкунандагони муассисаҳои таҳсилоти ибтидоӣ ва миёнаи касбӣ ба низоми нави қабул - тариқи имтиҳонҳои марказонидашуда, ки тавассути Маркази миллии тестӣ амалӣ мегардад, омода намудани шогирдон дар навиштани кори хаттии эҷодӣ - иншои хурд (эссе) аз ҷониби омӯзгорони фанни забон ва адабиёти тоҷик ва забони давлатӣ, омӯзиши ҷиддии фанҳои таълимӣ, хусусан, фанни математика, зеро дохилшавандагон новобаста аз тахассуси интихобнамудаашон аз ин фан имтиҳон месупоранд, инчунин, фанни технологияи информатсионӣ ва таъмини дастрасии мактабҳо бо интернет (барои пайдо намудани маълумоти муфассал доир ба низоми нав ва огоҳ гаштан аз натиҷаҳои имтиҳонҳо тавассути сомонаи Маркази миллии тестӣ (www.ntc.tj), тарзи интихоби кластер, ихтисос ва  муассисаҳои таҳсилоти олии касбии ҷумҳурӣ вобаста ба афзалияташон,  кор бо хатмкунандагон оид ба ташкили интихоби касб  барои дохилшавӣ ба муассисаҳои таҳсилоти олии касбӣ, ба хонандагон фаҳмонидани навъҳои саволҳои тестӣ ва тарзи пур кардани варақаҳои ҷавобҳо (3 навъ: кушода, муқоиса ва мутобиқат, пӯшида), омода шудани хатмкунандагон (довталабон) ба давраи бақайдгирӣ (март - апрел) ва супоридани имтиҳонҳо (июл) ва ғайра “Тавсияҳои методӣ ба директорони муассисаҳои таҳсилоти миёнаи умумӣ, ибтидоӣ ва миёнаи касбӣ оид ба омода намудани хатмкунандагон барои дохилшавӣ ба муассисаҳои таҳсилоти олии касбии Ҷумҳурии Тоҷикистон тавассути имтиҳонҳои марказонидашудаи дохилшавӣ” ва лоиҳаи “Нақшаи намунавии тақвимии даври (сикли)-и чорабиниҳо барои муассисаҳои таҳсилоти миёнаи умумӣ, ибтидоӣ ва миёнаи касбӣ”-ро таҳия намуд, ки аз ҷониби Вазорати  маорифи Ҷумҳурии Тоҷикистон пазируфта ва барои чоп дар ҳафтаномаи “Омӯзгор” супориш дода шуд.