22-юми августи соли 2017
Маркази миллии тестии назди Президенти Ҷумҳурии Тоҷикистон ба диққати довталабоне, ки ба озмуни тақсимоти асосии довталабон (3‑юми август) роҳ ёфта, лекин дар озмуни мазкур аз рӯйи ягон комбинатсияи ихтисоси интихобкардаашон муваффақ нагардиданд, мерасонад, ки бинобар зиёд будани шумораи довталабони хоҳишманди иштирок дар озмуни тақсимоти такрорӣ муҳлати азнавбақайдгирӣ барои иштирок дар тақсимоти такрорӣ то соати 12:00-и 23-юми август дароз карда шуд.
Хотиррасон менамоем, маълумоти муфассал дар бораи нуқтаҳои азнавбақайдгирӣ, тартиби азнавбақайдгирӣ ва озмуни тақсимоти такрорӣ, инчунин рӯйхати комбинатсияҳои ихтисосҳое, ки баъд аз озмуни тақсимоти асосии имтиҳонҳои марказонидаи дохилшавӣ мувофиқи нақшаи қабули донишҷӯён тибқи онҳо ҷойҳои холӣ мондаанд, дар эълонҳои қаблии Марказ ҷойгир карда шудааст.
