Душанбе, 16‑уми ноябри соли 2021
16-уми ноябри соли 2021 дар маҷлисгоҳи Маркази миллии тестии назди Президенти Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон ҷамъомади тантанавӣ баргузор шуд.
Ҷаласаро муовини якуми директори Маркази миллии тестӣ Ҷаъфарзода Сабзалӣ ифтитоҳ намуда, кормандони Марказро бо Рӯзи Президенти ҷумҳурӣ табрик када, аз ҷумла гуфт, ки “16-уми ноябр ҳамчун Рӯзи Президент бо назардошти саҳми арзанда ва хизматҳои бузурги Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ташаккули давлатдории навини кишвар, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ мебошад. Пешвои миллат муҳтарам Эмомалӣ Раҳмон шахсияти барҷастаи таърихии миллат мебошанд, ки дар Иҷлосияи шонздаҳуми Шӯрои Олии Ҷумҳурии Тоҷикистон Раиси Шӯро интихоб гардиданд. Муҳтарам Эмомалӣ Раҳмон дар бунёди низоми давлатдории Тоҷикистони соҳибистиқлол, барқарорсозии сохти конститутсионӣ, ба даст овардани сулҳу ваҳдати миллӣ саҳми беназир гузошта, тибқи Конститутсияи Ҷумҳурии Тоҷикистон соли 1994 дар асоси овоздиҳии умумихалқӣ аввалин Президенти Ҷумҳурии Тоҷикистон интихоб шудаанд. Сарвари давлат дар эъмори давлати соҳибихтиёр, демократӣ, ҳуқуқбунёд, дунявӣ ва иҷтимоӣ нақши арзанда гузошта, миллатро аз парокандагӣ, давлатро аз нестшавӣ ва халқро аз ҷанги шаҳрвандӣ раҳо намуданд. Ҳамчунин, Пешвои миллат дар рушди сиёсӣ, иқтисодиву иҷтимоӣ ва таърихиву фарҳангии давлати мустақили Тоҷикистон хизматҳои бузурги тақдирсоз карда, кишвари моро чун як давлати пешрафта ва ташаббускор ба ҷаҳониён муаррифӣ намуданд”.
Дар идома чанде аз кормандони Марказ вобаста ба хизматҳои шоистаи Пешвои миллат муҳтарам Эмомалӣ Раҳмон дар зарфи 30 соли истиқлоли давлатии кишвар музокира карданд.
Дар охир муовини якуми директори Маркази миллии тестӣ Ҷаъфарзода Сабзалӣ китоби “Адолатпаноҳ”-ро, ки роҳбарияти Вилояти Суғд дар арафаи таҷлили Рӯзи Президенти Ҷумҳурии Тоҷикистон ба намояндаи Маркази миллии тестӣ дар Вилояти Суғд тақдим кардааст, ба китобхонаи Марказ супорид.
