Душанбе, 7-уми марти соли 2024
7-уми марти соли 2024 дар Маркази миллии тестии назди Президенти Ҷумҳурии Тоҷикистон (Марказ) бо иштироки кормандони он ба муносибати Рӯзи модар ҷаласаи идона баргузор шуд.
Ҷаъфарзода Сабзалӣ, директори Марказ, ҷаласаро оғоз карда, бонувони Марказро ба муносибати Рӯзи модар муборакбод гуфт.
Аз суханҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқтибос оварда, гуфт, ки: “Дар сатҳи давлатӣ ва бо тантанаву шукӯҳи хосса ҷашн гирифтани Рӯзи модар нишонаи эътибору эҳтироми зиёди давлат ва Ҳукумати кишвар нисбат ба модарону занон мебошад. Зеро нақши занону модарон дар ободии хонадон, тарбия кардану ба воя расонидани фарзандон, ба онҳо омӯзонидани забони модарӣ, одобу маънавиёт, парвариши эҳсоси баланди худшиносиву худогоҳӣ, ҳисси миллӣ ва ифтихори ватандорӣ беназир аст”.
Директор нақши занону бонувон ва саҳми онҳоро дар пешрафти кори Марказ муҳим арзёбӣ кард.
Ҳамчунин, дар ин нишасти идона дигар иштирокдорон суханронӣ карда, аз мақоми зан-модар дар ҷомеа ёдоварӣ намуданд.
Ҷаласа бо туҳфасупории бонувони Марказ ба итмом расид.
