Душанбе, 12-уми июни соли 2019

Маркази миллии тестии назди Президенти Ҷумҳурии Тоҷикистон хабар медиҳад, ки дар тартиб (реҷа)-и кори нуқтаҳои бақайдгирӣ, ки дар марҳалаи иловагии бақайдгирӣ дар шаҳри Душанбе фаъолият менамоянд, тағйирот ба амал омад: нуқтаҳои бақайдгирӣ дар шаҳри Душанбе аз 13‑ум то 16-уми июн фаъолият намекунанд.

Вобаста ба ин, аз шахсоне, ки дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2019 иштирок кардан мехоҳанду то ҳол худро номнавис накардаанд, хоҳиш менамоем, барои номнависӣ ба нуқтаҳои бақайдгирӣ аз рӯзи 17‑уми июн (рӯзи душанбе) муроҷиат кунед.

Хотиррасон мекунем, ки марҳалаи иловагии бақайдгирӣ дар нуқтаҳои бақайдгирие, ки дар заминаи муассисаи таълимии таҳсилоти миёнаи умумии № 70-и ба номи 15-солагии Конститутсияи Тоҷикистон (ноҳияи Исмоили Сомонӣ, кӯчаи Ҳофизи Шерозӣ, 15) ва муассисаи таълимии таҳсилоти миёнаи умумии № 100 (ноҳияи Шоҳмансур, кӯчаи Назаршоев, 17) ташкил карда шудаанд, сурат мегирад.