Душанбе, 22-юми январи соли 2016

8‑уми январи соли ҷорӣ дар толори маҷлисии Донишкадаи ҷумҳуриявии такмили ихтисос ва бозомӯзии кормандони соҳаи маориф семинари ҷумҳуриявии сардорони раёсат ва мудирони шуъбаҳои маорифи шаҳру ноҳияҳои кишвар баргузор гардид. Дар семинари мазкур 11 масъала таҳлил ва баррасӣ шуд, ки яке аз онҳо «Натиҷаҳои имтиҳонҳои марказонидашудаи дохилшавӣ дар соли 2015» аст.

Директори Маркази миллии тестии назди Президенти Ҷумҳурии Тоҷикистон Хуршед Тешаев оид ба масъалаи мазкур муаррифӣ (презентатсия) намуда, ба иштирокдорони семинар маълумоти муфассал дод.

Дар рафти семинар натиҷаҳои имтиҳонҳои марказонидаи дохилшавӣ – 2015: аз марҳалаи бақайдгирӣ то озмуни тақсимоти довталабон ба муассисаҳои таълимӣ аз рӯйи ихтисосҳои интихобкардаашон муаррифӣ гардида, нишондиҳандаҳои асосии имтиҳонҳои мазкур аз рӯйи солҳои 2014 ва 2015 ба таври муқоиса шарҳ дода шуд.

Дар охири баррасии мавзӯъ директори Марказ мушкилоти имтиҳонҳои марказонидаи дохилшавӣ – 2015-ро баён намуда, барои омодагӣ ба имтиҳонҳои марказонидаи дохилшавӣ – 2016 пешниҳоду тавсияҳо дод. Инчунин ба суолҳои иштирокдорони семинар, ки ба ҷанбаҳои гуногуни имтиҳонҳои мазкур дахл доштанд, посух дода шуд.