Душанбе, 23-юми майи соли 2022
23-юми майи соли ҷорӣ дар муассисаи таълимии таҳсилоти миёнаи умумии рақами 6-и ноҳияи Исмоили Сомонии шаҳри Душанбе семинарҳои омӯзишӣ барои тренерони кормандони муваққатии Маркази миллии тестии назди Президенти Ҷумҳурии Тоҷикистон оғоз ёфт.
Семинарҳои омӯзишӣ аз 23-юм то 24-уми май идома ёфта, дар он 13 нафар намояндаи шаҳри Душанбе, шаҳру ноҳияҳои тобеи ҷумҳурӣ ва Вилояти Мухтори Кӯҳистони Бадахшон ширкат мекунанд.
Мақсад аз баргузории семинар омодагӣ ба имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2022 ва гузаронидани имтиҳонҳо мебошад.
Дар баробари ин, аз ҷумлаи кормандони Марказ 24 нафар ба семинарҳои омӯзишӣ ҷалб карда мешаванд ва ҳамроҳ бо тренерон дар давоми моҳи июни соли ҷорӣ дар 18 шаҳру ноҳияи ҷумҳурӣ семинарҳои омӯзишии кормандони муваққатии марказҳои имтиҳониро ташкил ва баргузор менамоянд.
Бояд қайд кард, ки тибқи эълон ҷиҳати иштирок дар озмуни интихоби кормандони муваққатӣ ба ҳайси тренер 52 нафар хоҳишманд ҳуҷҷат пешниҳод намуданд. Пас аз ширкат дар семинарҳои омӯзишии тренерон аз байни онҳо 33 нафар ба ҳайси тренер интихоб ва ба кори муваққатӣ дар Марказ ҷалб карда мешаванд.
