Душанбе, 2-юми майи соли 2018

Бо мақсади иҷрои бандҳои марбутаи “Стратегияи миллии рушди маорифи Ҷумҳурии Тоҷикистон то соли 2020”, ки бо қарори Ҳукумати Ҷумҳурии Тоҷикистон аз 30.06.2012, № 334 тасдиқ шудааст, ҷиҳати гузариш ба муносибати босалоҳият дар таълим бо ташаббуси Вазорати маориф ва илми Ҷумҳурии Тоҷикистон, барномаи дастгирии таҳсилоти босифат, марҳилаи 1 (Иттиҳоди Аврупо) ва Маркази миллии тестии назди Президенти Ҷумҳурии Тоҷикистон дар минтақаҳои Рашт (20.04.2018) ва Бохтари вилояти Хатлон (27.04.2018) семинар-машварати омӯзишии якрӯза оид ба татбиқи муносибати босалоҳият дар таълим баргузор гардид. Дар семинар ҳайати омӯзгорони муассисаҳои таълимии таҳсилоти умумӣ, ибтидоии касбӣ, миёнаи касбӣ ва олии касбӣ, кормандони дахлдори раёсат ва шуъбаҳои маориф иштирок намуданд.

Мутахассисони Маркази миллии тестии назди Президенти Ҷумҳурии Тоҷикистон дар мавзӯи “Эссе навиштан – як воситаи ташаккули тафаккури мантиқӣ ва салоҳияти эҷодӣ” баромад намуданд.

Гузаронидани чунин семинар дар ВМКБ, шаҳрҳои Хуҷанду Кӯлоб ва водиҳои Зарафшону Ҳисор низ пешбинӣ шудааст.