Душанбе, 17-уми феврали соли 2014. Дар таърихи 17-уми феврал бо иштироки мутахассисони Маркази миллии тестии назди Президенти Ҷумҳурии Тоҷикистон дар мактаб-интернати таҳсилоти миёнаи умумии ҷумҳуриявии тамоюли варзишии ба номи Иброҳим Ҳасанов, ки дар шаҳри Душанбе воқеъ аст, семинар баргузор гардид. Муовини аввали ММТ Б.Менглиев ва сардори шуъбаи тақсимот ва ҷобаҷогузории донишҷӯён дар МТОК-и Марказ М.Шодиев ба хонандагони мактаб-интернат, ҳайати омӯзгорон дар мавриди низом ва равиши имтиҳонҳои марказонидаи дохилшавӣ маълумот доданд. 

Хатмкунандагон ба намояндагони Марказр дар боби баъзе масъалаҳо, ки шарҳи муфассалро талаб мекунанд, саволҳо дода, ҷавобҳои дақиқу қонеъкунанда гирифтанд. Дар анҷоми суҳбати озод намояднагони ММТ ба директори мактаб-интернат В.Назиров маҷаллаи итилоотиву методии “Роҳнамои довталаб”, барнома ва модули омӯзиши низоми ИМД ба МТОК-и Ҷумҳурии Тоҷикистон ва дискҳо (роликҳои тарғиботӣ) супурданд.