26 апрели соли 2013. Имрӯзҳо дар ҷумҳурӣ Маркази миллии тестӣ Озмоиши ҷумҳуриявиро бо мақсади санҷиши тартиб, расмиёт ва ҷузъиёти низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон гузаронида истодааст.

Дар корҳои омодагӣ ба озмоиши мазкур Бонки Ҷаҳонӣ, Барномаи ҳамкории рушди таҳсилоти Федератсияи Россия ва Шуъбаи ташкилоти байналмилалии Институти “Ҷамъияти кушода” – Бунёди мадад дар Тоҷикистон  ба Маркази миллии тестӣ кӯмак мерасонанд.

     Дар ҳамин радиф мушовири байналмилалии Маркази миллии тестӣ Сагиндиков И.У. (аз Ҷумҳурии Қазоқистон) бо мақсади бевосита ошно гаштан бо раванди давраи бақайдгирӣ ва расонидани ёрии назариявӣ дар такмили ҳуҷҷатҳои меъёри ҳуқуқӣ дафъаи севум бо сафари хизматӣ ба Душанбе ташриф овард.  Қаблан, Сагиндиков И.У.  ду маротиба – моҳҳои август ва ноябри соли 2012 ба ш. Душанбе сафар намуда, дар таҳия қолаби имтиҳонӣ, такмили дастури бақайдгирӣ, муайян намудани муҳлати гузаронидани бақайдгирӣ, давраҳои баргузории имтиҳонҳои озмоиши калони ҷумҳуриявӣ ва ғайра ёрии амалӣ расонида буд.

     Ҳамчунин, намунаи тарзи ташкил ва гузаронидани имтиҳонҳои марказонидашудаи тестиро ба кормандони Маркази миллиии тестӣ муаррифӣ (презентатсия) намуд.

Сафари мушовир то 4 майи соли 2013 давом мекунад.