Маркази миллии тестии назди Президенти Ҷумҳурии Тоҷикистон аз соли 2017 то инҷониб дар муассисаҳои таълимии таҳсилоти миёна ва олии касбии Ҷумҳурии Тоҷикистон (дар асоси таклифу пешниҳодҳо, ки дар ҷаласаи васеи назди Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа (29-уми ноябри соли 2017)) пурсиш баргузор мекунад.
Мақсади асосии пурсиш муайян намудани фикру андешаҳои донишҷӯёни соли якуми таҳсил дар бораи низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) ва маълум кардани баъзе аз масъалаҳои марбут ба ин имтиҳонҳо барои бартараф кардани мушкилоту камбудиҳои ҷойдоштаи низом ва хубтар ба роҳ мондани имтиҳонҳои мазкур мебошад.
Бояд гуфт, ки абзори ба роҳ мондани пурсиш шакли варақии пурсишнома (анкета) аст. Баъд аз анҷоми пурсиш дар асоси он таҳлилҳои оморию психометрӣ карда, барои такмили низоми ИМД истифода мешавад.
