Душанбе, 21-уми майи соли 2015

Таҳлили омории натиҷаҳои олимпиадаҳои ҷумҳуриявии фаннӣ, даставӣ ва номии хонандагони муассисаҳои таҳсилоти миёнаи умумӣ, ки моҳи апрели соли 2015 баргузор шуда буд, ҷамъбаст гардид.

Бояд гуфт, ки дар олимпиадаҳо иштироки 866 нафар ба нақша гирифта шуда буд, ки аз ин шумора ҳамагӣ 831 нафар дар озмун иштирок доштанд. Аз ин теъдод 57 нафар ҷойи якум, 57 нафар ҷойи дуюм ва 102 нафар ҷойи сеюмро ишғол карданд.

Чунонки аз таҳлили мазкур бармеояд, иштирокдорон аз вилояти Суғд дар озмун пешсаф буда, миқдори бештари медалҳои бадастоварда – 70 медал ба онҳо тааллуқ дорад. Дар ин миён иштирокдорони шаҳри Душанбе бо шумораи умумии 65 медал дар мавқеи дуюм буда, иштирокдорони вилояти Хатлон, ноҳияҳои тобеи ҷумҳурӣ ва Вилояти Мухтори Кӯҳистони Бадахшон мувофиқан соҳиби 54, 14 ва 13 медалӣ гаштаанд.

Аз натиҷаҳои таҳлил дида мешавад, ки дар миқёси ҷумҳурӣ иштирокдорон дар маҷмӯъ аз 42 шаҳру ноҳияҳои кишвар соҳиби ҷойҳо гардида, шумораи бештари медалҳо ба иштирокдорони ноҳияи Синои шаҳри Душанбе, баъдан шаҳри Исфара ва ноҳияи Бобоҷон Ғафурови вилояти Суғд мансуб аст.