Душанбе, 5-уми марти соли 2024
Бо ин унвон 5-уми марти соли 2024 дар толори Муассисаи давлатии “Донишгоҳи давлатии тиббии Тоҷикистон ба номи Абӯалӣ ибни Сино” бо ташаббуси Вазорати маориф ва илми Ҷумҳурии Тоҷикистон ва Агентии назорати давлатии молиявӣ ва мубориза бо коррупсияи Ҷумҳурии Тоҷикистон конференсияи муштараки ҷумҳуриявӣ доир гардид.
Дар конференсия вазири маориф ва илми Ҷумҳурии Тоҷикистон Раҳим Саидзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода, директори Агентии назорат дар соҳаи маориф ва илми назди Президенти Ҷумҳурии Тоҷикистон Муҳаммадтоир Саидзода, директори маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода, раиси Муассисаи давлатии “Комиссияи олии аттестатсионии назди президенти Ҷумҳурии Тоҷикистон” Сайфиддин Давлатзода, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ, президенти Академияи миллии илмҳои Тоҷикистон Қобилҷон Хушвахтзода, муовинони вазири маориф ва илм, сардорони раёсату шуъбаҳои дастгоҳи марказии Вазорати маориф ва илм, роҳбарони муасисаҳои тобеи вазорат, ректорон ва директорони муассисаҳои таҳсилоти олӣ ва миёнаи касбӣ, сардорони раёсат ва мудирони шуъбаҳои маорифи шаҳру ноҳияҳои ҷумҳурӣ, кормандони гуногуни соҳаи маориф ва Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба таври ҳузурӣ ва маҷозӣ иштирок карданд. style="text-align: justify; text-indent: 27pt;"Вазири маориф ва илми Ҷумҳурии Тоҷикистон Раҳим Саидзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода, директори Агентии назорат дар соҳаи маориф ва илми назди Президенти Ҷумҳурии Тоҷикистон Муҳаммадтоир Саидзода, директори маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода, раиси Муассисаи давлатии “Комиссияи олии аттестатсионии назди Президенти Ҷумҳурии Тоҷикистон” Сайфиддин Давлатзода, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ, президенти Академияи миллии илмҳои Тоҷикистон Қобилҷон Хушвахтзода дар конференсия сухан гуфтанд.
Аз ҷумла, Ҷаъфарзода Сабзалӣ, директори Маркази миллии тестии назди Президенти Ҷумҳурии Тоҷикистон, гуфт, ки коррупсия ҳамчун падидаи манфӣ яке аз мушкилоти ҷиддиест, ки дар замони муосир хатари он бештар гардида, хусусияти таҳдиди муназзамро ба ҷаҳону амнияти инсон касб намудааст. Коррупсия, ки ба ҳамаи соҳаҳои ҳаёти ҷамъият таъсири манфӣ мерасонад, давлатҳоро водор мекунад, ки барои муқовимат ба он чораҳо андешанд.
Дар фаъолияти амалисозандаи худ Маркази миллии тестии назди Президенти Ҷумҳурии Тоҷикистон барои пешгирӣ аз амалҳои дорои хусусияти коррупсионӣ чораҳои зарурӣ андешида, роҳҳои гуногунеро пеш мегирад, ки ба таври комплексӣ амалисозии онҳо дар бартараф намудани ин зуҳуроти манфӣ, дар ҳақиқат, таъсир ва натиҷаи самарабахш медиҳад. Таъмини шаффофияти тамоми корҳо дар доираи имтиҳонҳои марказонидаи дохилшавӣ яке аз принсипҳои асосии фаъолияти Марказ буда, бевосита омили хубе барои бартараф намудани шубҳаҳо ва зуҳуроти номатлуб низ ба ҳисоб меравад, – дар идомаи суханронӣ қайд кард, Ҷаъфарзода С.
Ҳамчунин, дар конференсия муовинони вазири маориф ва илм ва дигар иштирокдорон вобаста ба пешгирии ин амали номатлуб дар ҷомеа маъруза карданд.
Ҳадаф аз баргузории конференсияи мазкур боло бурдани маърифати ҳуқуқии кормандони соҳаи маориф, хонандагону донишҷуёни муассисаҳои таълимӣ ва сокинони ҷумҳурӣ аст.
