Душанбе, 6-уми марти соли 2024

6-уми марти соли 2024 дар Маркази милли тестии назди Президенти Ҷумҳурии Тоҷикистон дар доираи эълон гардидани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” бо иштироки кормандони Марказ муаррифии китоби электронӣ аз фанни физика барои хонандагони синфи 7-уми муассисаҳои таълимии таҳсилоти умумӣ доир гардид.

Дар муаррифии китоби мазкур гуфта шуд, ки ин китоби электронӣ бо методҳои инноватсионӣ барои дарсҳои интерактивӣ аз фанни физика барои омӯзгорон ва хонандагон пешбинӣ гардидааст.

Мақсад аз таҳияи ин китоб саҳмгузорӣ дар рушди омӯзиши илмҳои табиатшиносӣ, дақиқ ва риёзӣ, бахусус фанни физика, бо дарназардошти муносибати ба салоҳият асосёфта барои хонандагони синфи 7 дар муассисаҳои таълимии таҳсилоти умумӣ ба ҳисоб меравад.

Китоби электронии мазкурро корманди Марказ Лоиқ Хусравбеков дар ҳамкорӣ бо муаллифони дигар таҳия кардааст ва он метавонад барои омодагии довталабон ба имтиҳонҳои марказонидаи дохилшавӣ низ мусоидат намояд.