7 ноябри соли 2013 бо ташаббуси роҳбарияти Пажӯҳишгоҳи рушди маорифи Академияи таҳсилоти Тоҷикистон бо иштироки роҳбарият ва сардорони шуъбаҳои дахлдори Муассисаи давлатии “Маркази миллии тестӣ” мизи мудаввар оид ба низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон баргузор гардид.
Нахуст директори Маркази миллии тестӣ С. Ҷаъфаров оид ба раванди татбиқи низоми нави имтиҳонҳо маълумот дод. Тартиби таҳия ва ташхиси маводи имтиҳонҳои марказонидашудаи дохилшавӣ (аз ҷумла саволу масъалаҳои тест)-ро сардори шуъбаи таҳияи маводи имтиҳонии Маркази миллии тестӣ Ҷ. Азимов муаррифӣ (презентатсия) намуд. Андеша ва пешниҳодҳои иштирокчиён доир ба низоми имтиҳонҳои марказонидашудаи дохилшавӣ шунида шуд.
Роҳбарият ва сардорони шуъбаҳои дахлдори Маркази миллии тестӣ ба саволҳои иштирокчиёни мизи мудаввар ҷавобҳои қонеъкунанда доданд.
