Душанбе, 15-уми июли соли 2015
Ҷавоби дурусти ҳар саволу масъалаи тест арзиш дорад, ки онро бо хол ҳисоб мекунанд. Вобаста ба навъи саволу масъалаҳои тест меъёри зерини холгузорӣ дар низоми ИМД муайян карда шудааст:
|
Р/т |
Навъи саволу масъалаи тест |
Хол |
|
1 |
Савол бо интихоби як ҷавоби дуруст |
1 |
|
2 |
Савол барои муайян кардани мувофиқат |
4 |
|
3 |
Саволи кушода бо ҷавоби кӯтоҳ |
2 |
Чи тавре ки мебинед, ба ҷавоби дурусти саволи навъи якум (савол бо интихоби як ҷавоби дуруст) як хол дода мешавад.
Дар саволҳои навъи дуюм муайян кардани мувофиқати чор унсур (калима, ибора, формула ва ғайра) аз панҷ варианти ҷавобҳои пешниҳодшуда талаб карда мешавад. Дар ин навъи саволҳо барои ҳар ҷавоби дуруст якхолӣ дода мешавад. Агар довталаб ба ҳамаи 4 унсур ҷавобҳои дуруст диҳад, ҷамъ чор холро соҳиб мегардад.
Азбаски саволу масъалаҳои навъи сеюм (саволи кушода бо ҷавоби кӯтоҳ)-ро худи довталаб ҳал карда, ҷавоби дурустро муайян мекунад, ба ҷавоби дурусти ин навъи саволу масъалаҳо ду хол дода мешавад.
Дар ҷадвалҳои зер доир ба навъ ва миқдори саволу масъалаҳо ва холи имконпазир аз ҳар субтести имтиҳон маълумоти муфассал дода шудааст.
Миқдори саволу масъалаҳо ва холи имконпазири
ҳадди аксар дар ҳар субтести имтиҳони қисми А
Миқдори саволу масъалаҳо ва холи имконпазири
ҳадди аксар дар ҳар субтести имтиҳони қисми Б
