Душанбе, 10-уми январи соли 2025
10-уми январи соли 2025 тибқи дастури Роҳбари Дастгоҳи иҷроияи Президенти Ҷумҳурии Тоҷикистон дар дафтари асосии Маркази миллии тестии назди Президенти Ҷумҳурии Тоҷикистон маҷлис оид ба ҷамъбасти фаъолияти Марказ дар соли 2024 баргузор гардид.
Дар ҷаласа директори Маркази миллии тестии назди Президенти Ҷумҳурии Тоҷикистон Ҷаъфарзода Сабзалӣ Файзалӣ, мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуллозода Масрур Аҳмад ва кормандони Марказ бо бахшҳои минтақавии он иштирок намуданд.
Дар бораи корҳои иттилоърасонию таблиғотӣ, нашри маводи иттилоотию методӣ, ҳамкорӣ бо муассисаҳои таълимии таҳсилоти миёна ва олии касбии Ҷумҳурии Тоҷикистон, ки қабули донишҷӯён ба онҳо тавассути ИМД ба роҳ монда мешавад, бақайдгирии довталабон барои иштирок дар ИМД 2024 (дар чор давра), ташкилу баргузории ИМД 2024, тақсимоти довталабон ба муассисаҳои таълимии таҳсилоти миёна ва олии касбӣ, олимпиадаҳои фаннии ҷумҳуриявии хонандагони муассисаҳои таълимии таҳсилоти миёнаи умумӣ, озмунҳо барои дарёфти Стипендияи байналмилалии Президенти Ҷумҳурии Тоҷикистон «Дурахшандагон», инчунин бурсияҳои таҳсилии давлатҳои хориҷӣ, таҳияи саволномаҳо барои озмуни қабули донишҷӯён ба муассисаҳои таълимии таҳсилоти олии касбӣ аз тариқи квотаи Президенти Ҷумҳурии Тоҷикистон, озмоишу пажӯҳишҳо оид ба арзёбии дониши хонандагон, пурсишҳо дар байни довталабон, имтиҳонҳои озмоишӣ барои хонандагони синфҳои 11-ум ва умуман оид ба ҳамаи самтҳои фаъолияти Марказ ва дастоварду мушкилоти ҷойдошта дар соли 2024 ҳисобот дода шуд.
Баъдан мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуллозода М. А. ба натиҷаи фаъолияти Марказ баҳои баланд дода, барои боз ҳам беҳбуд бахшидани кори Марказ тавсия ва маслиҳатҳо дод.
Дар охири маҷлис 2 нафар аз ҷумлаи кормандони ҳайати асосии Марказ бо ифтихорномаи Кумитаи иҷроияи ҲХДТ дар ноҳияи Исмоили Сомонӣ ва 8 нафар корманди дигар бо сипосномаҳои Марказ қадргузорӣ карда шуданд.
