Душанбе, 28-уми июли соли 2018
Холҳои гузариш (шумораи ҳадди ақалли холҳо) аз ҳар субтести қисми А (имтиҳони умумӣ) ва қисми Б (имтиҳони ихтисос) дар доираи гурӯҳи ихтисосҳо ва қисми В (имтиҳонҳои эҷодӣ ва маҳорат), ки барои роҳ ёфтан ба озмуни тақсимоти довталабон ба муассисаҳои таълимии таҳсилоти миёна ва олии касбӣ мувофиқи натиҷаҳои имтиҳонҳои марказонидаи дохилшавӣ – 2018 ба даст овардани онҳо зарур аст, муқаррар гардиданд.
Дар ҷадвали 1‑ум холҳои гузариш аз субтестҳои қисми А (имтиҳони умумӣ) дар доираи ҳамаи гурӯҳҳои ихтисосҳо (кластерҳо) ва дар ҷадвали 2‑юм холҳои гузариш аз субтестҳои қисми Б (имтиҳони ихтисос) вобаста аз ҳар як гурӯҳи ихтисосҳо нишон дода шудаанд.
1. Холҳои гузариш аз субтестҳои қисми А (имтиҳони умумӣ) дар доираи ҳамаи гурӯҳҳои ихтисосҳо (кластерҳо)
|
Р/Т |
Субтест |
Холи гузариш |
|
1 |
Забони тоҷикӣ |
7 |
|
2 |
Математика |
4 |
|
3 |
Таърихи халқи тоҷик ва асосҳои давлат ва ҳуқуқ |
6 |
2. Холҳои гузариш аз субтестҳои қисми Б (имтиҳони ихтисос) вобаста аз ҳар як гурӯҳи ихтисосҳо
|
Р. кл. |
Гурӯҳи ихтисосҳо (кластер) |
Субтест |
Холи гузариш |
|
1 |
Табиӣ ва техникӣ |
Математика |
3 |
|
Физика |
3 |
||
|
Химия |
3 |
||
|
2 |
Иқтисод ва география |
Математика |
3 |
|
География |
3 |
||
|
Забони хориҷӣ* |
3 |
||
|
3 |
Филология, педагогика ва санъат |
Забон ва адабиёт** |
6 |
|
Таърих |
6 |
||
|
Забони хориҷӣ* |
3 |
||
|
4 |
Ҷомеашиносӣ ва ҳуқуқ |
Таърих |
8 |
|
Ҳуқуқи инсон |
14 |
||
|
Забони хориҷӣ* |
4 |
||
|
5 |
Тиб, биология ва варзиш |
Химия |
8 |
|
Биология |
10 |
||
|
Физика |
5 |
* Забони англисӣ/немисӣ/франсавӣ/арабӣ.
** Забон ва адабиёти тоҷик /рус/ӯзбек.
Холи гузариш барои қисми В (имтиҳонҳои эҷодӣ ва маҳорати махсус), новобаста аз ихтисосҳои супоридани имтиҳонҳои мазкурро талабкунанда ва муассисаҳои таълимӣ, бо шарти супоридани ҳамаи санҷишҳои тибқи ин қисм пешбинигардида 40 хол муқаррар карда шудааст. Яъне, ба озмуни тақсимот аз рӯйи ихтисосҳои супоридани қисми В-ро талабкунанда танҳо довталабоне роҳ меёбанд, ки ҳамаи санҷишҳои тибқи ин қисм пешбинигардидаро супорида, дар умум на кам аз 40 холро ба даст овардаанд. Хотиррасон мекунем, ки барои роҳ ёфтан ба озмуни тақсимот аз рӯйи чунин ихтисосҳо, дар баробари соҳиб шудан ба холҳои гузариш аз қисми В, соҳиб шудан ба холҳои гузариш аз ҳамаи субтестҳои қисми А (имтиҳони умумӣ) низ зарур аст.
Лозим ба зикр аст, ки барои қисми Е (кори хаттӣ (эссе)) холи гузариш муқаррар карда нашудааст. Холҳои умумии аз кори хаттӣ (эссе) бадастовардаи довталабони гурӯҳи ихтисосҳои 3-юм (филология, педагогика ва санъат), новобаста аз шумораи холҳои аз рӯйи ҳар яке аз меъёрҳо бадастовардаашон, тибқи миқёси (шкалаи) 50 балӣ ба бал баргардонида, ҳамчун бали изофӣ ба натиҷаи умумии аз имтиҳонҳо бадастовардаи довталабон илова карда мешавад.
