Душанбе, 14-уми июни соли 2019

Ба таваҷҷуҳи довталабон мерасонем, ки ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос), АБ‑9 (имтиҳони умумию ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) барои даври асосӣ ва иловагии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2019 дар сомонаи Марказ ҷойгир карда шуд.

Бо дарназардошти ҷадвали тасдиқгардида даъватномаҳои довталабон – шахсони аз 1-уми март то 30‑юми апрел номнависшуда омода ва ба довталабон тибқи макони нишондодаашон дар вақти бақайдгирӣ фиристода шуд. Инчунин, нусхаи электронии онҳо дар кабинетҳои инфиродии довталабон ҷойгир гардид. Лозим ба зикр аст, ки маълумоти мушаххас дар бораи макон ва замони имтиҳонсупории ҳар як довталаб дар даъватномааш қайд шудааст. Маълумоти мазкур барои ҳар як довталаб дар кабинети инфиродияш низ дастрас аст.

Довталаб бояд даъватномаашро аз ҷойе, ки онро дар вақти бақайдгирӣ нишон додааст, дастрас кунад. Дар ҳолати дастрас нагардидани даъватнома ва ё гум шудани он довталаб нусхаи электронии даъватномаашро аз кабинети инфиродиаш сабт ва чоп карда метавонад.

Ёдрас мекунем, ки қисми Г (имтиҳонҳои иловагии тахассусӣ)-ро, дар баробари қисмҳои А ва Б, довталабоне месупоранд, ки ихтисосҳои пешниҳодкардаи филиали Донишгоҳи давлатии Москва ба номи М. В. Ломоносов дар шаҳри Душанберо интихоб кардаанд. Қисми Г дар филиали мазкур баргузор карда мешавад.

Ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос), АБ 9 (имтиҳони умумию ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) барои даври асосӣ ва иловагии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2019

I. ДАВРИ АСОСӢ 

1. Қисми А (имтиҳони умумӣ)

2. Қисми Б (имтиҳони ихтисос)

3. Қисми АБ-9 (имтиҳони умумию ихтисос)***

Эзоҳ:

Мутобиқи банди 128 «Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон», ки бо қарори Ҳукумати Ҷумҳурии Тоҷикистон аз 1 марти соли 2018, № 81 тасдиқ шудааст, барои довталабони гурӯҳи ихтисосҳои 5 (тиб, биология ва варзиш) бинобар аз шумораи ҷойҳои нишасти пешбинишуда зиёд будани шумораи ин довталабон имтиҳонҳо (ҳам қисми А ва ҳам қисми Б) ба тартиби зерин 2-рӯзӣ гузаронида мешавад:

* рӯзи аввал – барои довталабоне, ки забони имтиҳонсупориашон тоҷикӣ буда, рақамҳои назоратияшон бо рақами тоқ тамом мешавад ва ҳамаи довталабони забони имтиҳонсупориашон русӣ;

** рӯзи дуюм – барои довталабоне, ки забони имтиҳонсупориашон тоҷикӣ буда, рақамҳои назоратияшон бо рақами ҷуфт тамом мешавад.

*** Қисми АБ-9 (имтиҳони умумию ихтисос)-ро довталабони дорои таҳсилоти умумии асосӣ (синфи 9-ум) месупоранд.

4. Қисми В (имтиҳонҳои эҷодӣ ва маҳорати махсус) – аз 1 то 14 июл дар муассисаҳои таълимии дахлдор.

5. Қисми Г (имтиҳонҳои иловагии тахассусӣ)

II. ДАВРИ ИЛОВАГӢ

1. Қисми А (имтиҳони умумӣ)

2. Қисми Б (имтиҳони ихтисос)

3. Қисми АБ-9 (имтиҳони умумию ихтисос)

4. Қисми В (имтиҳонҳои эҷодӣ ва маҳорати махсус) – рӯзҳои 13 ва 14 июл дар муассисаҳои таълимии дахлдор.

5. Қисми Г (имтиҳони иловагии тахассусӣ)