Дирӯз тамоми ҷумҳуриро хабари фоҷиабор ва нобаҳангоми дар роҳи ноҳияи Айнӣ рухдода сахт андуҳгин кард. Сад дареғ, ки духтаракони ғунчаи умедашон нав ба шукуфтанҳои фасли Наврӯзрасида ва омӯзгори рӯзгори кӯтоҳи онон бо тӯфони сарнавишт аз шохсорони умеду орзуҳо канда шуда, роҳи ҷовидониро пеш гирифтаанд.
Аммо чӣ илоҷ, ки касе пеши роҳи ин сафарро дошта натавонист.
Мо ғаму ғуссаи падару модарони ин гулғунчаҳои ношукуфтаро ва пайвандонашонро дарк мекунем.
Забони одамӣ барои тасаллият лол аст.
Худованди бахшояндаи меҳрубон рӯҳашонро шод ва ҷояшонро дар биҳишти абад гардонад. Ба падару модарон ва пайванду ошноёни онон Худо сабру тоқат диҳад.
Маркази миллии тестии назди Президенти Ҷумҳурии Тоҷикистон.
