Душанбе, 5‑уми августи соли 2022

Ба таваҷҷуҳи довталабоне, ки ба тақсимоти асосии довталабон (натиҷаҳои он 25‑уми июл эълон гардид) роҳ ёфта, лекин дар тақсимоти мазкур аз рӯйи ҳеҷ яке аз комбинатсияҳои ихтисосҳои интихобкардаашон комёб нагардиданд, расонида мешавад, ки дар бораи рӯз ва макони азнавбақайдгирӣ барои иштирок дар тақсимоти такрорӣ ба ҳар довталаб паёмак фиристода шуд.

Дар паёмаки мазкур инчунин хабар дода шудааст, ки довталаб дар нуқтаи бақайдгирии дахлдор дар кадом вақт (дар нимаи аввали рӯз – аз соати 08:00 то 12:00 ё дар нимаи дувуми рӯз – аз соати 13:00 то 17:00) бояд ҳозир шавад.

Хотиррасон мекунем, ки паёмаки мазкур ба рақами телефони мобилии довталаб, ки дар варақаи бақайдгирии ӯ дар майдони “Телефони мобилӣ” қайд гардидааст, фиристода шудааст.

Аз ин лиҳоз, аз довталабоне, ки хоҳиши иштирокро дар тақсимоти такрорӣ доранд, хоҳиш менамоем, ки дар нуқтаҳои бақайдгирӣ дар рӯз ва вақти дар паёмак нишондода ҳозир шаванд.

Агар довталаби ҳуқуқ ва хоҳиши иштирокро дар тақсимоти такрорӣ дошта бо сабабе паёмаки мазкурро дарёфт накарда бошад, барои гирифтани маълумот дар бораи рӯз ва макони азнавбақайдгирӣ барои иштирок дар тақсимоти такрорӣ метавонад ба воситаи телефонҳои 224 53 67, 224 53 68, 224 53 73 бо кормандони Марказ дар тамос шавад.

Маълумоти муфассал дар бораи азнавбақайдгирӣ барои иштирок дар озмуни тақсимоти такрорӣ дар сомонаи Марказ баъдан ҷой дода хоҳад шуд.

Эълон бо маълумоти муфассал дар бораи тартиби азнавбақайдгирӣ барои иштирок дар озмуни тақсимоти такрорӣ (аз ҷумла, ҳуқуқи интихоби ихтисосҳо барои довталаб дар доираи гурӯҳи ихтисосҳои дигар) дар сомонаи Марказ рӯзҳои наздик гузошта мешавад.