Душанбе, 2-юми ноябри соли 2022

Маркази миллии тестии назди Президенти Ҷумҳурии Тоҷикистон баргузории имтиҳонҳои озмоиширо тибқи нақша давом дода истодааст. Бояд қайд намуд, ки Марказ аз 22-юми октбяри соли 2022 имтиҳонҳои озмоиширо дар зиёда аз 300 муассисаи таҳсилоти миёнаи умумии ҷумҳурӣ баргузор менамояд. Дар ин замина 1-уми ноябри соли 2022 дар муассисаи таҳсилоти миёнаи умумии № 33-и шаҳри Ваҳдат, муассисаҳои таҳсилоти миёнаи умумии №№15, 74, 76, 50, 46, 77, 123, 86, 127, 72, 142, 87-и ҷамоати Ромит ва муассисаи таҳсилоти миёнаи умумии № 42-и шаҳри Кӯлоб бо иштироки 175 хатмкунанда имтиҳонҳои озмоишӣ гузаронида шуд.

Дар муассисаҳои таҳсилоти миёнаи умумии дигар шаҳру ноҳияҳо низ, аз ҷумла, дар ноҳияҳои Восеъ, Ҳамадонӣ, Фархор, Муъминобод, Ховалинг, Шамсиддини Шоҳин имтиҳонҳои озмоишӣ тибқи нақша доир мегарданд.

Ёдовар мешавем, ки мақсад аз баргузории имтиҳонҳои озмоишӣ ин муайян намудани сатҳи дониши хатмкунандагон, шиносоӣ бо тарҳи маҷмуи фанҳои имтиҳонӣ, баланд бардоштани масъулияти хатмкунандагон барои супоридани имтиҳонҳои марказонидаи дохилшавӣ шинос шудан бо таркиби саволу масъалаҳои тест аст.