Душанбе, 20 декабри соли 2013. (АМИТ «Ховар»).-Имрӯз дар шаҳри Душанбе бо иштироки Президенти кишвар Эмомалӣ Раҳмон бинои нави Муассисаи давлатии “Маркази миллии тестӣ” (ММТ) ифтитоҳ ёфт. Сарвари давлат Эмомалӣ Раҳмон бо кори ММТ бевосита шинос шуда, бо роҳбарияти Вазорати маориф ва илм ва ректорҳои муассисаҳои таҳсилоти олии кишвар мулоқот намуд ва масоили мубориза бо фасод ва дигар амалҳои номатлубро дар ин соҳа мавриди баррасӣ қарор дод.