8 майи соли 2013. Дар доираи ҳамкорӣ байни Муассисаи давлатии “Маркази миллии тестӣ” ва Шуъбаи ташкилоти байналмилалии Институти «Ҷамъияти кушода» – Бунёди мадад дар Тоҷикистон (ИҶК БМ) бо даъвати ИҶК БМ аз 7 то 11 майи соли ҷорӣ мушовири байналмилалӣ профессор Девид Хокер аз Британияи Кабир ба Маркази миллии тестӣ ташриф овард.

   Мақсад аз ташрифи мушовир пайдо намудани шиносоӣ аз фаъолияти марказ, расонидани ёрии назариявӣ ба корҳои омодагӣ, такмили ҳуҷҷатҳои меъёри ҳуқуқӣ, банақшагирӣ ва стратегияи минбаъдаи марказ ба ҳисоб меравад. Дар доираи сафари худ мушовир бо роҳбарият, сардорони шуъбаҳо ва мутахассисони марказ вохӯрӣ доир менамояд.

Дар анҷоми сафари худ мушовир оид ба фикру ақида ва таклифу дархостҳои худ бо роҳбарияти марказ вохӯрӣ доир менамояд.