Душанбе, 1‑уми сентябри соли 2022

Ба таваҷҷуҳи довталабоне, ки тибқи натиҷаҳои ИМД-2022 дар озмуни тақсимоти асосӣ (25‑уми июл) ё такрорӣ (19‑уми август) комёб шуда, лекин дар муҳлати муқарраргардида дар муассисаҳои таълимии дахлдор ҳозир шуда натавонистаанд, расонида мешавад, ки Марказ тибқи розигии Вазорати маориф ва илми Ҷумҳурии Тоҷикистон ба чунин довталабон ҷиҳати ҳуҷҷатсупорӣ ва қабул шуданашон дар муассисаҳои таълимӣ аз рӯйи ихтисосҳое, ки тибқи онҳо комёб гардидаанд, ё ихтисосҳои дигари ба онҳо монанд иҷозат медиҳад.

Тибқи розигии Вазорати маориф ва илми Ҷумҳурии Тоҷикистон, ба довталабони дар озмуни тақсимоти асосӣ аз рӯйи намуди ройгони таҳсил комёбшуда дар сурати мавҷуд будани ҷойи холӣ дар ихтисоси дахлдор аз рӯйи намуди ройгони таҳсил ва дар ғайри ин сурат аз рӯйи намуди пулакии таҳсил ба ҳамин ихтисос ё ихтисоси ба он монанд иҷозат дода мешавад.

Инчунин, тибқи розигии  Вазорати маориф ва илми Ҷумҳурии Тоҷикистон Марказ тақсимоти довталабони ба озмун роҳёфтаи комёбнагардидаро ба муассисаҳои таълимии таҳсилоти миёна ва олии касбӣ аз рӯйи ихтисосҳои дорои ҷойҳои холӣ бо додани маълумотнома ба роҳ мемонад.

Вобаста ба ин, довталабони дар озмуни тақсимоти асосӣ ё такрорӣ комёбшудаи дар муҳлати муқарраргардида дар муассисаҳои таълимии дахлдор ҳозирнашуда, ки хоҳиши қабул шуданро дар ин муассисаҳо доранд, бояд ба Марказ дар ин бора ариза пешниҳод намоянд. Инчунин, довталабони ба озмун роҳёфтаи комёбнагардида, ки хоҳиши дохил шуданро ба муассисаҳои таълимии таҳсилоти миёна ва олии касбӣ доранд, метавонанд ба Марказ дар ин бора ариза пешниҳод намоянд. Шакли аризаро, ки Марказ омода кардааст, аз Марказ ё яке аз бахшҳои минтақавии он метавон дасрас кард.

Таваҷҷуҳ! Муҳлати пешниҳоди чунин аризаҳо то 5-уми сентябри соли 2022 аст. Қабули аризаҳо дар бинои дафтари асосии Марказ ва бахшҳои минтақавии он дар шаҳру ноҳияҳо, ки нишонии онҳо дар зер оварда шудааст, ба роҳ монда мешавад. Ҳолати дар муассисаи таълимӣ ҳозир шудан ё нашудани довталаби дар яке аз озмунҳо комёбгардида, ки ба Марказ ариза додааст, аз рӯйи варақаи рӯйхати тақсимот, ки ин муассисаҳо бо имзоҳои довталабони дар онҳо ҳозиршуда ба Марказ пешниҳод кардаанд, санҷида мешавад. Вобаста ба ин, аризаҳои довталабоне, ки тибқи варақаҳои рӯйхатҳои тақсимот дар муассисаҳои таълимӣ ҳозиршуда қайд гардидаанд, рад карда мешаванд.

Нишонии бинои дафтари асосии Марказ ва бахшҳои минтақавии он

1. Душанбе – Маркази миллии тестии назди Президенти Ҷумҳурии Тоҷикистон:

- шаҳри Душанбе, хиёбони Рӯдакӣ, 192;

- телефонҳо: 224-53-68, 224-53-73, 224-53-67, 224-53-66.

2. Хоруғ –бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Мухтори Кӯҳистони Бадахшон, шаҳри Хоруғ, кӯчаи Шоҳқирғизов, 11 (Муассисаи таълимии давлатии “Мактаби Президентӣ барои кӯдакони болаёқат дар шаҳри Хоруғи Вилояти Мухтори Кӯҳистони Бадахшон”);

- телефон: 915-20-72-29, 915-28-00-55.

3. Хуҷанд – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Суғд, шаҳри Хуҷанд, кӯчаи Мадади Сино, 5 (маҳаллаи Бофанда (Шелкокомбинат));

- телефон: 915-98-00-49.

4. Панҷакент – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Суғд, шаҳри Панҷакент, кӯчаи Лоиқ Шералӣ, 105;

- телефон: 915-63-51-00, 917-06-10-05.

5. Бохтар – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Хатлон, шаҳри Бохтар, кӯчаи Аминҷон Расулов, 35;

- телефон: 777-07-77-26, 935-44-95-05.

6. Кӯлоб – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Хатлон, шаҳри Кӯлоб, хиёбони Исмоили Сомонӣ, 26;

- телефон: 915-57-90-77, 985-01-82-09.

7. Данғара – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- вилояти Хатлон, ноҳияи Данғара, кӯчаи Марказӣ, 32;

- телефон: 939-32-55-65, 553-55-95-52.

8. Рашт – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:

- ноҳияи Рашт, шаҳраки Ғарм, кӯчаи Исмоили Сомонӣ, 79;

- телефон: 919-18-86-78, 911-11-07-43.