Душанбе, 23-уми январи соли 2015

Довталаб то давраи бақайдгирӣ бояд ҳуҷҷатҳои зеринро омода намояд:

1)асл ва нусхаи шиноснома ё ҳуҷҷати тасдиқкунандаи шахсият бо сурат, ки мақоми ваколатдори давлатӣ додааст;

2)маълумотнома аз муассисаи таҳсилоти миёнаи умумӣ ё муассисаи таҳсилоти ибтидоии касбӣ дар хусуси хатмкунанда будани довталаб ё аттестат (шаҳодатнома), диплом дар бораи хатми муассисаи таълимӣ  ва маълумотнома аз муассисаи таҳсилоти миёнаи касбӣ дар хусуси хатмкунандаи гурӯҳи пулакӣ будан;

3)ҳуҷҷати тасдиқкунандаи имтиёзҳо (агар дошта бошад), аз ҷумла:

-  хатти вафоти падар ва модар, шаҳодатнома дар бораи таваллуди довталаб (барои ятимони кулли то синни 21);

-  шаҳодатнома дар бораи маъюбӣ (барои маъюбони гурӯҳҳои 1‑ум ва 2‑юм);

-  аттестат (шаҳодатнома)-и намунаи махсуси универсалӣ ё равиявӣ дар бораи бо медали тилло ё нуқра хатм кардани муассисаи таҳсилоти миёнаи умумӣ;

-  тавсияномаи Вазорати маориф ва илми Ҷумҳурии Тоҷикистон дар бораи ғолибият дар олимпиадаҳои ҷумҳуриявӣ ё байналмилалӣ (барои ғолибони олимпиадаҳои фаннӣ);

-  тавсияномаи Вазорати фарҳанги Ҷумҳурии Тоҷикистон дар бораи ғолибият дар озмуну фестивалҳои тахассусии соҳаи санъат будан;

-  шаҳодатнома дар бораи узви дастаҳои яккачини варзиши Ҷумҳурии Тоҷикистон ё дорандаи унвони “Устоди шоистаи варзиши Ҷумҳурии Тоҷикистон”, “Устоди варзиши дараҷаи байналмилалии Ҷумҳурии Тоҷикистон” ё “Устоди варзиши Ҷумҳурии Тоҷикистон” будан.