Эълон
ЗАМОНИ ФАЪОЛШАВИИ КАБИНЕТҲОИ ИНФИРОДИИ ДОВТАЛАБОНИ
БАРОИ ИШТИРОК ДАР ТАҚСИМОТИ ТАКРОРӢ НОМНАВИСШУДА
Душанбе, 14-уми августи соли 2020
Ба диққати довталабоне, ки аз 10-ум то 13-уми август барои иштирок дар тақсимоти такрорӣ ба ҷойҳои тибқи нақшаи қабули донишҷӯён ба муассисаҳои таълимии таҳсилоти миёна ва олии касбӣ баъд аз тақсимоти асосии имтиҳонҳои марказонидаи дохилшавӣ дар соли 2020 холимонда худро аз нав сабти ном кардаанд, расонида мешавад, ки чунин довталабон бояд аз кабинетҳои инфиродии навашон истифода кунанд. Маълумоти зарурӣ (рақами назоратӣ ва рамзи муваққатӣ) барои воридшавӣ ба кабинети инфиродии довталаб дар варақаи бақайдгирии нави баъди аз нав аз қайд гузаштанаш ба ӯ додашуда дарҷ гардидааст.
Лозим ба зикр аст, ки кабинетҳои инфиродии довталабони аз нав номнависшуда рӯзи 17-уми август (рӯзи эълони натиҷаҳои озмуни тақсимоти такрорӣ) фаъол мегардад. Вобаста ба ин, воридшавии чунин довталабон ба кабинетҳои инфиродиашон то 17-уми август имконнопазир буда, онҳо ба кабинетҳои инфиродиашон дар рӯзи эълони натиҷаҳои озмуни мазкур ворид шуда метавонанд.
Хотиррасон мекунем, ки бо маълумоти муфассал дар бораи имкониятҳо ва тарзи истифодаи кабинети инфиродӣ аз дастури иттилоотию методии "Роҳнамои довталаб", ки гунаи электронии он дар сомонаи Марказ (http://ntc.tj/images/Downloads/10_kabineti_infirodi.pdf) ҷойгир карда шудааст, шинос шудан мумкин аст. Инчунин, маълумоти муфассал дар бораи тартиби барқарор кардани рамз барои воридшавӣ ба кабинети инфиродии довталаб тавассути паёмак (SMS) дар сомонаи Марказ (http://ntc.tj/tj/1002-barqaror-kardani-ramz.html) гузошта шудааст.
