Душанбе, 4-уми июли соли 2019
Ба таваҷҷуҳи довталабоне, ки дар даври асосии имтиҳонҳои марказонидаи дохилшавӣ – қисми А (имтиҳони умумӣ) ва (ё) қисми Б (имтиҳони ихтисос) ва (ё) қисми АБ-9 (имтиҳони умумию ихтисос) иштирок карда натавонистаанд, расонида мешавад, ки даври иловагии имтиҳонҳо барои чунин довталабон рӯзҳои 18-ум ва 19-уми июл мегузарад.
Тибқи тартиби муқарраргардида, довталабе, ки дар даври асосии имтиҳон (имтиҳонҳо) иштирок карда натавониста, дар даври иловагии имтиҳонҳо иштирок кардан мехоҳад, бояд маблағи иловагии хизматрасониро, ки Маркази миллии тестӣ мутобиқи қонунгузории Ҷумҳурии Тоҷикистон ҳар сол дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон муқаррар мекунад, пардохта, ба Марказ ариза пешниҳод намояд.
Дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ дар соли 2019 барои як довталаби дар даври иловагии имтиҳон (имтиҳонҳо) иштироккунанда чунин муқаррар карда шудааст:
1) 130 сомонӣ – барои иштироки як довталаб дар ду қисм: А (имтиҳони умумӣ) ва Б (имтиҳони ихтисос);
2) 65 сомонӣ – барои иштироки як довталаб танҳо дар яке аз қисмҳо: А (имтиҳони умумӣ) ё Б (имтиҳони ихтисос) ё АБ-9 (имтиҳони умумию ихтисос).
Хотиррасон мекунем, ки тибқи банди 24-уми “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 1-уми марти соли 2018, № 81 тасдиқ гардидааст, шахсони зерин аз пардохти маблағ барои хизматрасонӣ дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии Ҷумҳурии Тоҷикистон (аз ҷумла дар даври иловагии он) озоданд:
- ятимони кул ва бепарасторони то 21-сола;
- маъюбони гурӯҳҳои 1-ум ва 2-юм ва кӯдакони маъюбе, ки падар ё модарашон вафот кардааст ё дар парастории яке аз онҳоянд.
Инчунин, шахсони то 21-солае, ки падар ё модарашон вафот кардааст ё дар парастории яке аз онҳоянд, маъюбони гурӯҳҳои 1-ум ва 2-юм ва “кӯдакони маъюб” аз пардохти 50 %-и маблағ барои хизматрасонӣ дар даври иловагии ИМД-2019 озоданд ва вобаста аз хоҳиши иштирокашон дар як ё ду қисми имтиҳон маблағи хизматрасониро чунин пардохт мекунанд:
- 65 сомонӣ – агар довталаби зикршуда дар ду қисм (А (имтиҳони умумӣ) ва Б (имтиҳони ихтисос)) иштирок кардан хоҳад;
- 32 сомонию 50 дирам – агар довталаби зикршуда танҳо дар яке аз қисмҳо (А (имтиҳони умумӣ) ё Б (имтиҳони ихтисос) ё АБ-9 (имтиҳони умумию ихтисос)) иштирок кардан хоҳад.
Агар шахс ҳам маъюби гурӯҳи 1-ум, 2-юм ё “кӯдаки маъюб” бошаду ҳам падар ё модараш вафот карда бошад, ё дар парастории яке аз онҳо қарор дошта бошад, он гоҳ ӯ аз пардохти маблағ барои хизматрасонӣ дар даври иловагии ИМД-2019 пурра озод аст.
Варақаи аризаро довталаб аз Маркази миллии тестӣ ё бахши минтақавӣ ё сомонаи он дастрас карда метавонад. Дар ариза бояд маълумоти зарурӣ дар бораи довталаб дода шуда, ба он нусхаи варақаи бақайдгирии довталаб ва расиди бонкӣ дар бораи пардохти маблағи иловагии муқарраргардида илова карда шавад. Пас аз пур кардани варақаи ариза довталаб онро бо замима кардани варақаи бақайдгирӣ ва расиди бонкӣ бояд ба Маркази миллии тестӣ (аз соати 08:00 то соати 17:00) ё маркази имтиҳонӣ (аз соати 09:00 то соати 13:00) пешниҳод намояд. Таъкид мекунем, ки бинобар ба раванди имтиҳонҳо ҷалб гардидани кормандони бахшҳои минтақавии шуъбаи ташкил ва идораи имтиҳон дар шаҳру ноҳияҳо қабули аризаҳо дар бахшҳои мазкур ба роҳ монда намешавад. Инчунин, азбаски тибқи талабот бояд ба ариза асли расиди бонкӣ замима карда шавад, аризаҳо бо нусхаи (сканершудаи) расиди бонкӣ тавассути почтаи электронӣ қабул карда намешавад.
Даври иловагии имтиҳонҳо – қисми А (имтиҳони умумӣ) рӯзи 18‑уми июл, қисмҳои Б (имтиҳони ихтисос) ва АБ-9 (имтиҳони умумию ихтисос) рӯзи 19‑уми июл танҳо дар марказҳои имтиҳонии шаҳри Душанбе баргузор мегардад.
Муҳлати қабули аризаҳо оид ба масъалаи мазкур аз 8‑ум то 15‑уми июл муқаррар гардидааст. Ба довталабоне, ки барои иҷозат гирифтан ҷиҳати иштирок дар имтиҳонҳои иловагӣ ариза пешниҳод мекунанд, тавсия медиҳем, ки шумораи телефони худро, ки ҳангоми бақайдгирӣ ва ё пешниҳоди ариза қайд кардаанд, фаъол нигоҳ дошта, худ бо телефонҳои дар зер нишондодашуда барои гирифтани маълумоти зарурӣ бо Маркази миллии тестӣ дар тамос шаванд.
Ёдрас менамоем, ки онҳое, ки дар марҳалаи асосии бақайдгирӣ ё марҳалаи иловагии бақайдгирӣ сабти ном накардаанд, ҳуқуқи иштирок карданро дар даври иловагии имтиҳонҳо надоранд.
Нишонӣ ва рақамҳои телефони Маркази миллии тестии назди
Президенти Ҷумҳурии Тоҷикистон ва бахшҳои минтақавии он
Нишонӣ: Ҷумҳурии Тоҷикистон, 734003, шаҳри Душанбе, хиёбони Рӯдаки, 192
Телефонҳо: (+992 37) 224 53 67, 224 53 68
Факс: (+992 37) 224 53 66
Сомона: www.ntc.tj
Почтаи электронӣ: Этот адрес электронной почты защищен от спам-ботов. У вас должен быть включен JavaScript для просмотра.
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар ноҳияи Рашт
Нишонӣ: шаҳраки Ғарм, кӯчаи Исмоили Сомонӣ, 79
Телефон: (+992) 91 978 54 64
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар шаҳри Хуҷанд
Нишонӣ: кӯчаи Ҳаким Карим, 16
Телефон: (+992) 91 110 12 97
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар шаҳри Панҷакент
Нишонӣ: кӯчаи Лоиқ Шералй, 105
Телефон: (+992) 91 563 51 00
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар шаҳри Бохтар
Нишонӣ: кӯчаи Борбад, 13
Телефон: (+992) 91 598 00 58
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар шаҳри Кӯлоб
Нишонӣ: хиёбони Исмоили Сомонӣ, 26
Телефон: (+992) 91 111 89 77
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар ноҳияи Данғара
Нишонӣ: кӯчаи Марказӣ, 32
Телефон: (+992) 88 888 03 08
-------------------------------------------------------------- ♦ ----------------------------
БАХШИ МИНТАҚАВИИ
раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон дар шаҳри Хоруғ
Нишонӣ: кӯчаи Шоҳқирғизов, 12
НишонӣТелефон: (+992) 91 520 72 29
