Душанбе, 5-уми июни соли 2017
Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2017 ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус) муқаррар гардид.
Хотиррасон менамоем, ки маълумоти мушаххас дар бораи макон ва замони имтиҳонсупории ҳар як довталаб дар даъватномааш қайд гардидааст. Инчунин, маълумоти мазкур дар кабинети инфиродии ҳар як довталаб дастрас аст.
Довталаб бояд даъватномаашро аз ҷойе, ки онро дар варақаи бақайдгириаш нишон додааст, дастрас кунад. Пас аз ҷойгир кардани нусхаи электронии даъватномаи довталаб дар кабинети инфиродиаш ба ӯ дар ин бора SMS-паёмаки телефонӣ фиристода мешавад. Дар ҳолати дастрас нагардидани даъватнома ва ё гум шудани он довталаб нусхаи электронии даъватномаашро метавонад аз кабинети инфиродиаш сабт ва чоп кунад.
Ҷадвали баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2017 (даври асосии қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус)) барои довталабоне, ки бақайдгирӣ (асосӣ)-ро гузаштаанд
1. Қисми А (имтиҳони умумӣ)
|
Гурӯҳи ихтисосҳо |
Рӯзи баргузории имтиҳон |
|
|
1-ум (табиӣ ва техникӣ) |
1‑уми июл |
Шанбе |
|
2-юм (география ва иқтисод) |
2‑юми июл |
Якшанбе |
|
3-юм (филология, педагогика ва санъат) |
3‑юми июл |
Душанбе |
|
4-ум (ҷомеашиносӣ ва ҳуқуқ) |
4‑уми июл |
Сешанбе |
|
5-ум (тиб, биология ва варзиш)* |
5‑уми июл |
Чоршанбе |
|
5-ум (тиб, биология ва варзиш)** |
6‑уми июл |
Панҷшанбе |
2. Қисми Б (имтиҳони ихтисос)
|
Гурӯҳи ихтисосҳо |
Рӯзи баргузории имтиҳон |
|
|
1-ум (табиӣ ва техникӣ) |
7‑уми июл |
Ҷумъа |
|
2-юм (география ва иқтисод) |
8‑уми июл |
Шанбе |
|
3-юм (филология, педагогика ва санъат) |
9‑уми июл |
Якшанбе |
|
4-ум (ҷомеашиносӣ ва ҳуқуқ) |
10‑уми июл |
Душанбе |
|
5-ум (тиб, биология ва варзиш)* |
11‑уми июл |
Сешанбе |
|
5-ум (тиб, биология ва варзиш)** |
12‑уми июл |
Чоршанбе |
Эзоҳ:
Мутобиқи банди 92-юми «Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон», ки бо қарори Ҳукумати Ҷумҳурии Тоҷикистон аз 1-уми августи соли 2015, № 495 тасдиқ шудааст, барои довталабони гурӯҳи ихтисосҳои 5-ум (тиб, биология ва варзиш) бинобар аз шумораи ҷойҳои нишасти пешбинишуда зиёд будани шумораи ин довталабон имтиҳонҳо (ҳам қисми А ва ҳам қисми Б) ба тартиби зерин 2-рӯзӣ гузаронида мешавад:
* Рӯзи аввал – барои довталабоне, ки забони имтиҳонсупориашон тоҷикӣ буда, рақамҳои назоратияшон бо адади тоқ тамом мешавад ва ҳамаи довталабони забони имтиҳонсупориашон русӣ.
** Рӯзи баъдӣ – барои довталабоне, ки забони имтиҳонсупориашон тоҷикӣ буда, рақамҳои назоратияшон бо адади ҷуфт тамом мешавад.
3. Қисми В (имтиҳонҳои эҷодӣ ва маҳорати махсус)
Имтиҳони қисми В аз 25‑уми июн то 5‑уми июл дар муассисаҳои таълимии дахлдор баргузор карда мешавад.
Ҷадвали баргузории имтиҳонҳои иловагии марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2017 (даври иловагии қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус)) барои довталабоне, ки дар имтиҳони (имтиҳонҳои) даври асосӣ бо сабабҳои узрнок иштирок карда наметавонанд ё даври дуюми азнавабақайдгирӣ ё бақайдгирии иловагиро мегузаранд
1. Қисми А (имтиҳони умумӣ)
|
Гурӯҳи ихтисосҳо |
Рӯзи баргузории имтиҳон |
|
|
Барои ҳамаи гурӯҳҳои ихтисосҳо (1-ум – 5‑ум) |
18‑уми июл |
Душанбе |
2. Қисми Б (имтиҳони ихтисос)
|
Гурӯҳи ихтисосҳо |
Рӯзи баргузории имтиҳон |
|
|
Барои ҳамаи гурӯҳҳои ихтисосҳо (1-ум – 5‑ум) |
19‑уми июл |
Сешанбе |
3. Даври иловагии қисми В (имтиҳонҳои эҷодӣ ва маҳорати махсус)
Даври иловагии қисми В рӯзҳои 7‑ум ва 8‑уми июл дар муассисаҳои таълимии дахлдор баргузор карда мешавад.
