Ба таваҷҷуҳи довталабоне, ки барои иштирок дар имтиҳонҳои марказонидаи дохилшавӣ (ИМД) ба муассисаҳои таҳсилоти олии касбӣ (МТОК)-и Ҷумҳурии Тоҷикистон аз қайд гузаштаанд, расонида мешавад:
1. Маркази миллии тестии назди Президенти Ҷумҳурии Тоҷикистони муддати то 10 рӯз, баъд аз ба анҷом расидани марҳалаи бақайдгирӣ (30 апрел), аризаҳои довталабонеро, ки аз қайд гузаштаанд, вале бо сабабҳои гуногун дар имтиҳонҳо иштирок карда наметавонанд ва инчунин аризаҳои шахсонеро, ки ба таври иштибоҳ барои ИМД маблағ пардохт намудаанд, вале сабти ном нашудаанд ва онро бозпас гирифтан мехоҳанд, қабул менамояд.
2. Муҳлати баргардонидани маблағҳо тибқи тартиби муқарраргардида, бо назардошти амалиётҳои бонкӣ ва молиявӣ, аз 20 май то 10 июни соли 2014 ба нақша гирифта шудааст.
3. Дар ҳолати баргардонидани маблағи пардохтгардида:
– аз довталабони бақайдгирифташуда аз ҳаҷми умумии маблағ 0,5%-и муайяншудааш барои хизматрасонии бонкӣ (“Амонатбонк”) ва 14,0 сомонӣ барои пӯшонидани хароҷоти Марказ;
- аз шахсоне, ки сабти ном нагардидаанд, аз ҳаҷми умумии маблағ танҳо 0,5%-и муайяншудааш барои хизматрасонии бонкӣ (“Амонатбонк”) боздошт карда мешавад.
4. Маблағи боқимонда тариқи нақдӣ ба довталаб баргардонида мешавад.
Мақсад аз эълони мазкур ба танзим даровардани корҳои омодагӣ ба имтиҳонҳо ва тайёр намудани ҳуҷҷату маводи зарурӣ барои баргузории имтиҳонҳо бо назардошти шумораи воқеии довталабоне, ки хоҳиш ва имкони иштирокро доранд, мебошад.
Оид ба масъалаи мазкур маълумоти иловагиро метавонед тариқи телефон (985 09 22 03 – Ёрматов Э.) дастрас намоед.
