Душанбе, 22-юми октябри соли 2023

22-юми октябри соли 2023 даври сеюми иловагии имтиҳонҳои марказонидаи дохилшавӣ, ки дар он довталабони аз рӯйи ихтисосҳои дорои ҷойҳои холӣ ва ё ихтисосҳои нав аз Донишгоҳи миллии Тоҷикистон худро номнавискарда иштирок карданд, баргузор гардид.

Давраи сеюми иловагии номнависии ин довталабон аз 10‑ум то 19-уми октябри соли ҷорӣ давом кард. Рӯйхати нуқтаҳои бақайдгирии созмонёфта дар шаҳру ноҳияҳои интихобшударо Марказ дар сомонаи худ эълон карда буд.

Барои баргузории имтиҳони мазкур 2 маркази имтиҳонӣ дар шаҳри Душанбе ташкил карда шуд.

Даври сеюми иловагии имтиҳонҳои марказонидаи дохилшавӣ барои довталабони Донишгоҳи миллии Тоҷикистон низ бо тартиби ягонаи муқарраршуда, чун дар ҳама давраҳои дигар, яъне дар асоси “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 29-уми апрели соли 2023, № 188 тасдиқ шудааст, роҳандозӣ гардид.

Чунончи, довталабон дар интихоби ихтисосҳо ҳангоми номнависӣ барои иштирок дар ин имтиҳонҳо озод буда, то 12 комбинатсияи ихтисоси ба худ писандро аз як гурӯҳи ихтисосҳо; ҳамчун забони имтиҳонсупорӣ яке аз забонҳо – русӣ ё тоҷикиро интихоб карда метавонистанд. Инчунин, довталабоне, ки ихтисосҳоро аз гурӯҳҳои ихтисосҳои 2-юм (иқтисод ва география), 3-юм (филология, педагогика ва санъат) ва 4-ум (ҷомеашиносӣ ва ҳуқуқ) интихоб мекунанд, барои имтиҳон аз забони хориҷӣ яке аз забонҳои хориҷӣ – англисӣ/немисӣ/франсавӣ/арабиро ҳуқуқи интихоб кардан доштанд. Шумораи довталабони дар имтиҳони мазкур ширкаткарда дар иртибот бо ин масъала чунин буд:

Озмуни тақсимоти довталабон ба муассиса ва ҳамаи раванду қадамҳои дахлдори имтиҳон низ чун тартиби муқарраршуда ба роҳ монда мешавад, ки Марказ аз натиҷаи он довталабонро хабар медиҳад.