Душанбе, 12-уми июли соли 2022
12-уми июл барои довталабони дорои таҳсилоти умумии асосӣ (синфи 9-ум), миёнаи умумӣ (синфи 11-ум), ибтидоӣ ва миёнаи касбӣ, ки дар марҳалаи иловагии бақайдгирӣ (аз 10‑ум то 30‑юми июни соли 2022) барои иштирок дар ИМД номнавис шуда буданд ва довталабоне, ки дар даври асосии қисми А (имтиҳон дар заминаи таҳсилоти умумӣ – синфи 11-ум) ё қисми Б (имтиҳон дар заминаи умумии асосӣ – синфи 9-ум) иштирок карда натавониста, барои супоридани имтиҳони дахлдор дар даври иловагӣ ба Марказ ариза пешниҳод намудаанд, даври иловагии имтиҳонҳо оғоз гардид. Даври иловагии имтиҳонҳо барои ҳар ду қисм – А ва Б дар як рӯз – 12-уми июл баргузор карда мешавад.
Шумораи умумии довталабоне, ки дар марҳалаи иловагии бақайдгирӣ (аз 10‑ум то 30‑юми июн) барои иштирок дар ИМД худро номнавис кардаанд ва довталабоне, ки дар даври асосии қисми А (имтиҳон дар заминаи таҳсилоти умумӣ) ё қисми Б (имтиҳон дар заминаи умумии асосӣ) иштирок карда натавониста, барои супоридани имтиҳони дахлдор дар даври иловагӣ ба Марказ ариза пешниҳод намудаанд, 2624 нафарро ташкил медиҳад (аз ҷумла 2023 нафар барои супоридани қисми А ва 601 нафар барои супоридани қисми Б).
Даври иловагии имтиҳонҳо дар 7 маркази имтиҳонии шаҳри Душанбе, ки тибқи рӯйхати тасдиқкардаи Вазорати маориф ва илми Ҷумҳурии Тоҷикистон дар заминаи муассисаҳои таълимии таҳсилоти миёнаи умумии шаҳри Душанбе ташкил карда шудаанд, баргузор мегардад.
Барои ташкил, баргузорӣ ва идораи даври иловагии имтиҳонҳо низ 316 корманди муваққатии дар асоси озмун интихобгардида, ки бо онҳо шартномаи меҳнатӣ баста шудааст, ҷалб карда шудаанд. Барои назорат ва ёрии амалӣ расонидан дар омода кардани марказҳои имтиҳонӣ, назорати раванди имтиҳон дар марказҳои имтиҳонӣ ва мониторинги он, инчунин барои қабули қарори дахлдор дар сурати рух додани мушкилот намояндагони ваколатдори Марказ ба марказҳои имтиҳонӣ равона карда шудаанд. Инчунин, мувофиқи тартиби муқарраркардаи Ҳукумати Ҷумҳурии Тоҷикистон барои таъмини шаффофият ва назорати раванди имтиҳонҳо дар ҳар маркази имтиҳонӣ комиссияи ҷамъиятӣ фаъолият мекунад, ки ҳайати онро мақомоти иҷроияи маҳаллии ҳокимияти давлатии шаҳр ё ноҳияе, ки дар ҳудуди он маркази имтиҳонӣ амал мекунад, муайян ва тасдиқ кардааст.
Даври иловагии имтиҳонҳо мувофиқи тартиби муқарраркардаи Ҳукумати Ҷумҳурии Тоҷикистон, ки дар бораи он пеш аз оғози имтиҳон дар ҳар як синфхонаи имтиҳонӣ ба довталабон маълумот ва барои риояи талаботу қоидаҳои муқарраршуда дастур дода мешавад, баргузор карда мешавад.
Ҷавобҳои дуруст (калидҳо)-и саволу масъалаҳои тести дар имтиҳонҳо истифодашуда пас аз анҷоми имтиҳонҳо дар сомонаи Марказ ба нашр мерасанд. Ин ба довталаб имкон медиҳад, ки ӯ дар асоси нусхаи варақаи ҷавобҳояш, ки дар кабинети инфиродияш гузошта шудааст ва ҷавобҳои дуруст – калидҳои саволу масъалаҳои тести дар сомонаи Марказ нашршуда холҳояшро аз ҳар субтести имтиҳон мустақилона ҳисоб кунад. Ҳамчунин, то нашри варақаи ҷавобҳо дар кабинети инфиродияш довталаб метавонад бо истифода аз китобчаи тест, ки дар дасташ аст, холҳои бадастовардаашро мустақилона ҳисоб кунад.
Пахши раванди имтиҳонҳо аз марказҳои имтиҳонӣ дар ҳолати бархат (онлайн) тавассути камераҳои назоратӣ ба роҳ монда мешавад.
Эълони натиҷаҳои имтиҳонҳо 20‑уми июли соли ҷорӣ ба нақша гирифта шудааст.
РӮЙХАТИ
МУАССИСАҲОИ ТАЪЛИМИИ ТАҲСИЛОТИ МИЁНАИ УМУМИЕ, КИ ДАР ЗАМИНАИ ОНҲО МАРКАЗҲОИ ИМТИҲОНӢ (МИ) БАРОИ БАРГУЗОРИИ ДАВРИ ИЛОВАГИИ ИМТИҲОНҲОИ МАРКАЗОНИДАИ ДОХИЛШАВӢ БА МУАССИСАҲОИ ТАЪЛИМИИ ТАҲСИЛОТИ МИЁНА ВА ОЛИИ КАСБИИ ҶУМҲУРИИ ТОҶИКИСТОН ДАР СОЛИ 2022 ТАЪСИС ШУДААНД
|
Р/т |
№ МИ |
Муассисаи таълимие, ки дар он МИ ташкил дода шудааст |
||
|
ном |
нишонӣ |
нуқтаи роҳнамо (ориентир) |
||
|
1 |
01/07 |
Муассисаи таҳсилоти миёнаи умумии № 94‑и ноҳияи Сино |
шаҳри Душанбе, ноҳияи Сино, кӯчаи Алишери Навоӣ, 21 |
дорухонаи “Санта-Фарм” (маҳаллаи 92-юм) |
|
2 |
01/08 |
Муассисаи таҳсилоти миёнаи умумии № 95-и ноҳияи Сино |
шаҳри Душанбе, ноҳияи Сино, маҳаллаи Зарафшон-1 |
Бонки “Эсхата”, беморхонаи бемориҳои сироятӣ, (маҳаллаи Зарафшон) |
|
3 |
01/09 |
Муассисаи таҳсилоти миёнаи умумии № 96-и ноҳияи Сино |
шаҳри Душанбе, ноҳияи Сино, маҳаллаи Зарафшон-1 |
маркази савдои “Испечак”, бозорчаи “Зарафшон” (маҳаллаи Зарафшон) |
|
4 |
01/10 |
Муассисаи таҳсилоти миёнаи умумӣ – гимназияи № 74-и ноҳияи Фирдавсӣ |
шаҳри Душанбе, ноҳияи Фирдавсӣ, кӯчаи Деҳотӣ, 23 |
Маркази ҷумҳуриявии ташхисӣ, маҳаллаи 46-ум |
|
5 |
01/12 |
Муассисаи таҳсилоти миёнаи умумии № 42-и ноҳияи Фирдавсӣ |
шаҳри Душанбе, ноҳияи Фирдавсӣ, кӯчаи Фирдавсӣ, 93/2 |
филиали ҶСК “Агроинвестбонк” (бозори “Саховат”) |
|
6 |
01/13 |
Муассисаи таҳсилоти миёнаи умумии № 16‑и ба номи И.Е. Душкини ноҳияи Шоҳмансур |
шаҳри Душанбе, ноҳияи Шоҳмансур, кӯчаи М. Мастонгулов, 2а |
фурудгоҳи куҳна, мағозаи масолеҳи сохтмонии “Строймаркет” |
|
7 |
01/14 |
Муассисаи таҳсилоти миёнаи умумии № 100-и ноҳияи Шоҳмансур |
шаҳри Душанбе, ноҳияи Шоҳмансур, кӯчаи Назаршоев, 17 |
маркази савдои “Ёқут-2000”, чойхонаи “Вохӯрӣ” (саристгоҳи роҳи оҳан) |
