Душанбе, 7‑уми сентябри соли 2021
Имрӯз, 7 сентябри соли 2021 ба муносибати таҷлили 30-солагии Истиқлоли давлатии Ҷумҳурии Тоҷикистон дар Маркази миллии тестии назди Президенти Ҷумҳурии Тоҷикистон бо иштироки кормандони Марказ чорабинии идона доир гардид.
Дар оғози чорабинӣ Хуршед Икромӣ, директори Марказ кормандон ва дар симои онҳо тамоми мардуми шарифи кишварро бо ин ҷашни бузург-30-солагии Истиқлоли давлатӣ таҳният гуфта, иброз дошт, ки Истиқлоли давлатии Ҷумҳурии Тоҷикистон дар таърихи халқи тоҷик нодиртарин падидаи сиёсиву сарнавиштсоз мебошад. 30 сол аст, ки Тоҷикистони маҳбуби мо соҳибистиқлол ва мардуми шарифи кишвар соҳиби давлати озоду соҳибихтиёр буда, дар фазои Ватани азизамон хуршеди Истиқлол партавафшонӣ мекунад. Бо таваҷҷуҳу дастгириҳои пайвастаи Асосгузори сулҳу Ваҳдати миллӣ-Пешвои муаззами миллат, муҳтарам Эмомалӣ Раҳмон дар даврони соҳибистиқлолӣ дар як қатор соҳаҳо дигаргуниҳои куллӣ ба вуҷуд омад. Аз ҷумла дар ин давра яке аз дастовардҳои бузург дар соҳаи маориф таъсиси Маркази миллии тестӣ аст.
Дар идомаи чорабинӣ кормандони Марказ бахшида ба ҷашни 30-солагии Истиқлоли кишвар баромад ва суханронӣ намуданд.
Дар охир аз ҷониби роҳбарият ба кормандони Марказ Сипосномаҳо тақдим гардид.
