Душанбе, 16‑уми июли соли 2024
Ба таваҷҷуҳи довталабоне, ки дар даври якум (асосӣ)-и имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2024 иштирок кардаанд, расонида мешавад, ки ҷавобҳои дуруст (калидҳо)-и саволу масъалаҳои тести дар даври якум (асосӣ)-и ин имтиҳонҳо истифодашуда бозбинӣ карда шуд.
Пас аз бозбинӣ ғалатҳои техникии дар ҷавобҳои дурусти саволу масъалаҳои тест роҳёфта ислоҳ гардид. Инчунин, нисбат ба ду саволу масъалае, ки бинобар ғалати чопӣ ё хатои техникии дар шарт ё вариантҳои ҷавобҳояшон роҳёфта ҳалли онҳо имконнопазир гардидааст, қарор қабул карда шуд, ки ҷавоби довталабон ба ин ду савол ва масъала ҳамчун ҷавоби дуруст ҳисоб карда шавад. Хотиррасон мекунем, ки ҷавобҳои чунин саволу масъалаҳо дар ҷадвалҳои ҷавобҳои дуруст (калидҳо)-и тести дар сомонаи Марказ ҷойгиршуда бо аломати “*” ишора карда шудаанд.
Вобаста ба ин, ба довталабоне, ки ҷавобҳои худро бо калидҳои дар сомонаи Марказ қаблан гузошташуда санҷидаанд, тавсия медиҳем, ки бори дигар ҷавобҳояшонро бо калидҳои рӯзи 16.07.2024 гузошташуда бисанҷанд.
