Душанбе, 15-уми ноябри соли 2018

Маркази миллии тестии назди Президенти Ҷумҳурии Тоҷикистон дар баробари корҳои таблиғотиву иттилоърасонӣ бо хонандагони синфҳои 11-уми тамоми мактабҳои ҷумҳурӣ, ҳамчунин барои муайян кардани сатҳи омодагии онҳо ба имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ санҷишу озмоишҳо мегузаронад.

 Бо ин мақсад дар вақти таътили тирамоҳии хонандагон, рӯзҳои 5-ум, 7-ум, 8-ум ва 9-уми ноябри соли равон, бо дастгирии шуъбаи маорифи шаҳри Кӯлоб дар муассисаҳои таълимии таҳсилоти миёнаи умумии рақамҳои 1-ум ва 51-уми ин шаҳр имтиҳони озмоишӣ аз фанҳои имтиҳонӣ (субтестҳо)-и 5 гурӯҳи ихтисос (кластер)-ҳо бо иштироки 700 нафар хатмкунандаи муассисаҳои таълимии шаҳри Кӯлоб гузаронида шуд. Ҷараён имтиҳони озмоишӣ мисли имтиҳонҳои воқеии марказонида назорат карда шуда,  ҳар як хонанда аз ҷавоби кори худ воқиф карда шуд.

Бо гузаронидани чунин озмоишҳо хонандагон сатҳи донишу маҳораташонро барои тайёрӣ ба ИМД аз рӯйи ихтисосҳои интихобкардаашон санҷида, ба имтиҳонҳои воқеии ИМД тайёрии хуб мебинанд.