Душанбе, 20-уми декабри соли 2018
14-уми декабри соли ҷорӣ дар муассисаи таълимии таҳсилоти миёнаи умумии (МТТМУ) №18-и шаҳри Турсунзода имтиҳони озмоишӣ (дар қолаби имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ) барои хатмкунандагон МТТМУ гузаронида шуд. Дар ин озмоиш аз 150 нафари пешбинишуда 149 нафар аз 10 МТТМУ-и шаҳр иштирок намуданд. Озмоиш дар доираи имтиҳони умумӣ (қисми А) ҷараён гирифт.
Чунин имтиҳони озмоишӣ 18-уми декабри соли ҷорӣ ҳамчунин дар муассисаи давлатии “Гимназияи хонандагони лаёқатманди ба номи Балъамӣ”-и шаҳри Ваҳдат доир гардид. Дар он хатмкунандагони 10 МТТМУ-и шаҳр ширкат намуданд. Аз 150 нафар хатмкунандагони муассисаҳои таълимии номбурда, ки раёсати маорифи шаҳри Ваҳдат пешниҳод намуда буд, 146 нафарашон имтиҳони озмоиширо супориданд.
Баъди баргузории имтиҳони озмоишӣ ба ҳар як иштирокдор китобчаҳои тестии қисми А дода шуд.
Ҷараёни имтиҳони озмоишӣ ҳамчун имтиҳонҳои воқеӣ назорат карда шуда, аз натиҷааш ба раёсату шуъбаҳои маорифи шаҳрҳои Ваҳдат ва Турсунзода фиристода хоҳад шуд.
