Душанбе, 3-юми октябри соли 2018

Дар маҷлисгоҳи Маркази миллии тестии назди Президенти Ҷумҳурии Тоҷикистон ҷаласаи ҷамъбастии Шӯрои илмию методии Марказ дар соли 2018 баргузор гардид. Ҷаласаи Шӯро, ки мувофиқи низомнома ва нақшаи корӣ амал менамояд, бо иштироки ноиби Академияи таҳсилоти Ҷумҳуриии Тоҷикистон Каримова И. Х. ва дигар аъзои Шӯро доир гардид.

Рӯзномаи ҷаласаи мазкур аз масъалаҳои зерин иборат буд:

1. Ҳисобот оид ба ҷамъбасти ташкилу баргузории имтиҳонҳои марказонидаи дохилшавӣ ба муассисаҳои таълимии миёна ва олии касбии Ҷумҳурии Тоҷикистон ва имтиҳонҳои эҷодию маҳорат.

2. Ҳисобот оид ба чопи маводҳои имтиҳонии ИМД-2018 ва риояи талаботи бехатарӣ зимни табъу нашри онҳо.

Шӯро баъди баррасӣ ва ҳаллу фасли масъалаҳои марбута қарорҳои дахлдор баровард.