Душанбе, 4‑уми октябри соли 2023
Ба таваҷҷуҳи довталабоне, ки тибқи натиҷаҳои ИМД-2023 дар яке аз озмунҳо комёб гардида, лекин дар муҳлати муқарраршуда дар муассисаҳои таълимии дахлдор ҳозир шуда натавонистаанд, расонида мешавад, ки Марказ бақайдгирии довталабони мазкурро аз рӯйи ихтисосҳое, ки тибқи нақшаи қабули донишҷӯён дар онҳо ҷойҳои холӣ мондааст, ба роҳ мемонад.
Бақайдгирии довталабони мазкур аз 4-ум то 7-уми октябр дар дафтари асосии Марказ ва бахшҳои минтақавии он, ки нишонии онҳо дар зер оварда шудааст, гузаронида мешавад.
Вобаста ба ин, довталабони дар яке аз озмунҳо комёбшудаи дар муҳлати муқарраргардида дар муассисаҳои таълимии дахлдор ҳозирнашуда, ки дар муассисаҳои таълимӣ аз рӯйи ихтисосҳои тибқи нақшаи қабул дорои ҷойҳои холӣ қабул шудан мехоҳанд, бояд ба Марказ дар ин бора ариза пешниҳод намоянд. Шакли аризаро, ки Марказ омода кардааст, аз Марказ ё яке аз бахшҳои минтақавии он метавон дастрас кард.
Иштирок дар тақсимоти навбатӣ супоридани имтиҳонро талаб намекунад, балки он дар асоси балҳои дар имтиҳонҳо бадастовардаи довталабоне, ки дар ин давра аз қайд мегузаранд, ба роҳ монда мешавад.
Таваҷҷуҳ! Довталабоне, ки дар имтиҳонҳо иштирок накардаанд ё дар онҳо иштирок карда, тибқи ягон озмун комёб нагардидаанд, дар ин давра аз қайд гузашта наметавонанд. Ҳолати дар муассисаи таълимӣ ҳозир шудан ё нашудани довталаби дар яке аз озмунҳо комёбгардида, ки ба Марказ ариза додааст, аз рӯйи варақаи рӯйхати тақсимот, ки ин муассисаҳо бо имзоҳои довталабони дар онҳо ҳозиршуда ба Марказ пешниҳод кардаанд, санҷида мешавад. Вобаста ба ин, аризаҳои довталабоне, ки тибқи варақаҳои рӯйхатҳои тақсимот дар муассисаҳои таълимӣ ҳозиршуда қайд гардидаанд, рад карда мешаванд.
Нишонии бинои дафтари асосии Марказ ва бахшҳои минтақавии он
1. Душанбе – Маркази миллии тестии назди Президенти Ҷумҳурии Тоҷикистон:
- шаҳри Душанбе, хиёбони Рӯдакӣ, 192;
- телефонҳо: 224-53-68, 224-53-73, 224-53-67.
2. Хоруғ –бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Мухтори Кӯҳистони Бадахшон, шаҳри Хоруғ, кӯчаи Шоҳқирғизов, 11 (Муассисаи таълимии давлатии “Мактаби Президентӣ барои кӯдакони болаёқат дар шаҳри Хоруғи Вилояти Мухтори Кӯҳистони Бадахшон”);
- телефон: 915-20-72-29, 93-106-68-41.
3. Хуҷанд – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Суғд, шаҳри Хуҷанд, кӯчаи Мадади Сино, 5 (маҳаллаи Бофанда (Шелкокомбинат));
- телефон: 92-644-11-48, 8-34-224-11-48.
4. Панҷакент – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Суғд, шаҳри Панҷакент, кӯчаи Лоиқ Шералӣ, 105;
- телефон: 92-874-81-88.
5. Бохтар – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Хатлон, шаҳри Бохтар, кӯчаи Аминҷон Расулов, 35;
- телефон: 888-88-03-08.
6. Кӯлоб – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Хатлон, шаҳри Кӯлоб, хиёбони Исмоили Сомонӣ, 26;
- телефон: 915-57-90-77.
7. Данғара – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- вилояти Хатлон, ноҳияи Данғара, кӯчаи Марказӣ, 32;
- телефон: 939-32-55-65.
8. Рашт – бахши минтақавии раёсати ташкил ва идораи имтиҳони Маркази миллии тестии назди Президенти Ҷумҳурии Тоҷикистон:
- ноҳияи Рашт, шаҳраки Ғарм, кӯчаи Исмоили Сомонӣ, 79;
- телефон: 919-18-86-78, 919-18-86-78.
