Душанбе, 8-уми апрели соли 2022
Маркази миллии тестии назди Президенти Ҷумҳурии Тоҷикистон хабар медиҳад, ки бақайдгирии довталабонро барои дохилшавӣ ба Донишкадаи давлатии муносибатҳои байналмилалии Москва оғоз мекунад. Бақайдгирии довталабон аз 11-ум то 21-уми апрел дар дафтари асосии Маркази миллии тестӣ ва бахшҳои минтақавии он, ки рӯйхати онҳо дар зер оварда шудааст, ба роҳ монда мешавад.
Лозим ба зикр аст, ки барои қабули донишҷӯён аз ҷумлаи шаҳрвандони Ҷумҳурии Тоҷикистон ба Донишкадаи давлатии муносибатҳои байналмилалии Москва 5 бурсия (квота)-и таҳсилӣ ҷудо шудааст.
Даври аввали озмунро барои дохилшавӣ ба донишкадаи мазкур Марказ рӯзи 26‑уми апрел дар шаҳри Душанбе дар шакли тест (аз фанҳои математика, забони русӣ, забони англисӣ, таърих ва ҳуқуқ) ба забонҳои тоҷикӣ ва русӣ баргузор мекунад. Дар бораи макони баргузории тест ба ҳар яке аз довталабони номнависшуда тавассути телефон хабар дода хоҳад шуд.
Инчунин, ба таваҷҷуҳи довталабон расонида мешавад, дар даври дигари озмун, ки ба он танҳо довталабони аз тест холҳои баландтаринро соҳибшуда роҳ дода мешаванд, як имтиҳони дигар дар шакли диктант ба забонҳои русӣ ва англисӣ баргузор мегардад, зеро барои таҳсил дар донишкадаи мазкур донистани забонҳои русӣ ва англисӣ ҳатмист.
Дар озмун барои дохилшавӣ ба Донишкадаи давлатии муносибатҳои байналмилалии Москва шаҳрвандони то 35-солаи Ҷумҳурии Тоҷикистон иштирок карда метавонанд.
Барои бақайдгирӣ шахсони хоҳишманд бояд ҳуҷҷатҳои зеринро пешниҳод кунанд:
1) ариза ба номи директори Марказ (шакли аризаро Марказ муқаррар кардааст ва он дар Марказ ё яке аз бахшҳои минтақавии он ба довталаб пешниҳод карда мешавад);
2) шиносномаи миллӣ ё маълумотнома бо муҳру сурат аз ШВКД бо нусхааш;
3) ҳуҷҷат дар бораи таҳсилот:
- маълумотнома (бо муҳр ва сурат) аз муассисаи таълимии таҳсилоти миёнаи умумӣ дар бораи хатмкунандаи синфи 11-ум будан (барои хатмкунандаҳои муассисаҳои таълимии таҳсилоти миёнаи умумӣ);
- маълумотнома (бо муҳр ва сурат) аз муассисаи таълимии таҳсилоти ибтидоии касбӣ дар бораи хатмкунанда будан (барои хатмкунандаҳои муассисаҳои таълимии таҳсилоти ибтидоии касбӣ);
- маълумотнома (бо муҳр ва сурат) аз муассисаи таълимии таҳсилоти миёнаи касбӣ дар хусуси хатмкунандаи гурӯҳи таҳсилаш пулакӣ будан (барои хатмкунандаҳои муассисаҳои таълимии таҳсилоти миёнаи касбӣ);
- аттестат (шаҳодатнома) дар бораи таҳсилоти миёнаи умумӣ ва нусхаи он (барои онҳое, ки синфи 11-умро хатм кардаанд);
- диплом ва замимааш дар бораи таҳсилоти ибтидоии касбӣ ва нусхаи онҳо (барои онҳое, ки муассисаҳои таълимии таҳсилоти ибтидоии касбиро хатм кардаанд);
- диплом ва замимааш дар бораи таҳсилоти миёнаи касбӣ ва нусхаи онҳо (барои онҳое, ки муассисаҳои таълимии таҳсилоти миёнаи касбиро хатм намудаанд).
Нишонии нуқтаҳои бақайдгирӣ
1. Душанбе: Маркази миллии тестии назди Президенти Ҷумҳурии Тоҷикистон:
- шаҳри Душанбе, ноҳияи Исмоили Сомонӣ, хиёбони Рӯдакӣ, 192;
- телефонҳо: 224 53 68, 224 53 73, 224 53 67.
2. Хоруғ: бахши минтақавии Марказ:
- Вилояти Мухтори Кӯҳистони Бадахшон, шаҳри Хоруғ, кӯчаи Шоҳқирғизов, 12;
- телефон: 915 20 72 29.
3. Рашт: бахши минтақавии Марказ:
- ноҳияи Рашт, шаҳраки Ғарм, кӯчаи Исмоили Сомонӣ, 79;
- телефон: (+992 3131) 2 15 78.
4. Хуҷанд: бахши минтақавии Марказ:
- вилояти Суғд, шаҳри Хуҷанд, кӯчаи Мадади Сино, 5;
- телефон: 926 44 11 48.
5. Панҷакент: бахши минтақавии Марказ:
- вилояти Суғд, шаҳри Панҷакент, кӯчаи Лоиқ Шералӣ, 105;
- телефон: (+992 3222) 5 50 51.
6. Бохтар: бахши минтақавии Марказ:
- вилояти Хатлон, шаҳри Бохтар, кӯчаи Борбад, 13;
- телефон: (+992 3222) 3 05 41.
7. Кӯлоб: бахши минтақавии Марказ:
- вилояти Хатлон, шаҳри Кӯлоб, хиёбони Исмоили Сомонӣ, 26;
- телефон: 915 57 90 77.
8. Данғара: бахши минтақавии Марказ:
- вилояти Хатлон, ноҳияи Данғара, кӯчаи Марказӣ, 32;
- телефон: (+992 3312) 2 17 86.
