Душанбе, 3-юми августи соли 2017
Ба диққати довталабоне, ки ба озмуни тақсимоти асосии довталабон (3‑юми август) роҳ ёфта, лекин дар озмуни мазкур аз рӯйи ягон комбинатсияи ихтисоси интихобкардаашон муваффақ нагардиданд, расонида мешавад, ки тибқи ҷойҳои дар ихтисосҳои муассисаҳои таълимии таҳсилоти миёна ва олии касбӣ баъд аз тақсимоти асосии имтиҳонҳои марказонидаи дохилшавӣ – 2017 холимонда озмуни тақсимоти такрории довталабон доир мегардад.
Хотиррасон менамоем, довталабоне, ки дар озмуни тақсимоти асосӣ аз рӯйи яке аз ихтисосҳои интихобкардаашон ба ин ё он муассисаи таълимӣ гузашта буданд, инчунин довталабоне, ки холҳои гузаришро аз як ё якчанд субтест соҳиб нагардида, ба озмуни тақсимоти асосӣ роҳ наёфта буданд, ҳуқуқи иштирокро дар озмуни тақсимоти такрорӣ надоранд.
Бо мақсади иштирок дар озмуни тақсимоти такрорӣ довталаб бояд аз нав номнавис кунад. Барои азнавбақайдгирӣ довталабро зарур аст, ки дар яке аз нуқтаҳои бақайдгирӣ, ки рӯйхаташон дар зер оварда мешавад, 20 сомонӣ пардохт намуда, расид (квитансия), шиноснома ва варақаи бақайдгириашро ба бақайдгиранда пешниҳод намояд. Ёдрас менамоем, ки қабули маблағҳо барои иштирок дар озмуни тақсимоти такрорӣ бевосита дар нуқтаҳои бақайдгирӣ ба роҳ монда шуда, ятимони кул ва бепарасторон аз пардохти маблағ озоданд. Азнавбақайдгирӣ аз 19‑ум то 22‑юми август доир мегардад. Натиҷаҳои озмуни тақсимоти такрорӣ, ки дар асоси балҳои аз имтиҳонҳо бадастовардаи довталабон ба таври худкор тавассути системаи иттилоотии “Довталаб”, яъне бе дахолати омили инсонӣ гузаронида мешавад, 26‑уми август эълон карда мешавад.
Рӯйхати ихтисосҳои дорои ҷойҳои холӣ, ки барои тақсимоти такрорӣ пешниҳод мегардад, инчунин маълумоти муфассал дар бораи тартиби азнавбақайдгирӣ ва озмуни тақсимоти такрорӣ дар сомонаи Марказ гузошта мешавад.
РӮЙХАТИ
нуқтаҳои азнавбақайдгирии довталабон барои иштирок дар озмуни тақсимоти такрории имтиҳонҳои марказонидаи дохилшавӣ дар соли 2017
|
Р/т |
Муассисаи таълимие, ки НБ дар он ҷойгир аст |
Нишонӣ |
|
|
Шаҳри Душанбе |
|
|
1. |
Муассисаи таълимии таҳсилоти миёнаи умумии № 70-и ба номи 15-солагии Конститутсияи Тоҷикистон |
шаҳри Душанбе, ноҳияи Исмоили Сомонӣ, кӯчаи Ҳ. Шерозӣ, 15 |
|
2. |
Муассисаи таҳсилоти миёнаи умумии № 25 |
шаҳри Душанбе, ноҳияи Сино, кӯчаи Исмоили Сомонӣ, 9 |
|
3. |
Муассисаи таълимии таҳсилоти миёнаи умумии № 71-и ба номи Юсуф Акобиров |
шаҳри Душанбе, ноҳияи Шоҳмансур, кӯчаи Айнӣ, 265/1 |
|
4. |
Муассисаи таълимии таҳсилоти миёнаи умумии № 24 |
шаҳри Душанбе, ноҳияи Фирдавсӣ, кӯчаи Фирдавсӣ, 61 |
|
5. |
Муассисаи таҳсилоти миёнаи умумии № 100 |
шаҳри Душанбе, ноҳияи Шоҳмансур, кӯчаи Назаршоев, 17 |
|
|
Вилояти Суғд |
|
|
6. |
Гимназияи № 24-и ба номи Бобоҷон Ғафуров |
шаҳри Хуҷанд, маҳаллаи 19-ум |
|
7. |
Муассисаи таълимии таҳсилоти миёнаи умумии № 5 |
шаҳри Хуҷанд, кӯчаи Калинников, 79 |
|
8. |
Гимназияи № 5-и ба номи Раҷаб Амонов |
шаҳри Истаравшан, кӯчаи Аслонхӯҷа Юнусов, 93 |
|
|
Вилояти Хатлон |
|
|
9. |
Литсейи тамоюли технологии ба номи Н. Назирматов |
шаҳри Кӯрғонтеппа, кӯчаи Айнӣ, 67 |
|
10. |
Муассисаи таълимии таҳсилоти миёнаи умумии № 12-и ба номи А. Ҳомидов |
шаҳри Кӯрғонтеппа, кӯчаи Дзержинский, 17 |
|
11. |
Муассисаи таълимии таҳсилоти миёнаи умумии № 1 |
шаҳри Кӯлоб, кӯчаи Исмоили Сомонӣ, 40 |
|
12. |
Муассисаи таҳсилоти миёнаи умумии № 53 ба номи Саидҷон Ҳакимзода |
шаҳри Кӯлоб, кӯчаи Исмоили Сомонӣ, 2 |
|
13. |
Литсейи тамоюли техникии ба номи Афлотун |
ноҳияи Данғара, кӯчаи Марказӣ, 30 |
|
|
Вилояти Мухтори Кӯҳистони Бадахшон |
|
|
14. |
Донишгоҳи давлатии Хоруғ ба номи Моёншо Назаршоев |
шаҳри Хоруғ, кӯчаи Ленин, 28 |
