Душанбе, 28-уми феврали соли 2018
Ба диққати шахсоне, ки барои иштирок дар имтиҳонҳои марказонидаи дохилшавии соли 2018 (ИМД-2018) аз қайд гузаштан мехоҳанд, расонида мешавад, ки дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ барои як довталаб чунин муқаррар карда шуд:
1) 250 (дусаду панҷоҳ) сомонӣ – марҳалаҳои асосӣ ва иловагии бақайдгирӣ ва марҳалаи иловагии азнавбақайдгирӣ;
2) 25 (бисту панҷ) сомонӣ – марҳалаи асосии азнавбақайдгирӣ барои иваз кардани интихобҳои аввалия ва азнавбақайдгирӣ барои иштирок дар тақсимоти такрорӣ.
Лозим ба қайд аст, ки тибқи фармоиши вазири маориф ва илми Ҷумҳурии Тоҷикистон аз 26‑уми феврали соли 2018, № 944 дар мувофиқа бо Марказ шахсони зерин аз пардохти маблағи муқарраршуда озоданд:
- ятимони кул ва бепарасторони то 21-сола;
- маъюбони гурӯҳҳои 1-ум ва 2-юм ва “кӯдакони маъюб”-е, ки падар ё модарашон вафот кардааст ё дар парастории яке аз онҳоянд.
Тибқи фармоиши мазкур, шахсони зерин барои иштирок дар ИМД‑2018 аз маблағи муайяншуда танҳо 50 %-ро, яъне – 125 (яксаду бисту панҷ) сомонӣ пардохт мекунанд:
- шахсони то 21-солае, ки падар ё модарашон вафот кардааст ё дар парастории яке аз онҳоянд;
- маъюбони гурӯҳҳои 1-ум ва 2-юм ва “кӯдакони маъюб”.
Шахсони дорои чунин имтиёҳо ҳангоми бақайдгирӣ бояд ҳуҷҷатҳои дахлдорро пешниҳод кунанд.
Хотиррасон мекунем, ки шахсони номнавискунанда барои иштирок дар ИМД-2018 маблағи муайяншударо дар яке аз филиалҳои Бонки давлатии амонатгузории Ҷумҳурии Тоҷикистон “Амонатбонк” бояд пешакӣ супоранд ва бо расид дар бораи пардохт ва дигар ҳуҷҷатҳои зарурӣ ба нуқтаи бақайдгирӣ ҳозир шаванд.
