Душанбе, 4-уми сенятбри соли 2024
Дар Маркази миллии тестии назди Президенти Ҷумҳурии Тоҷикистон ба муносибати 33-юмин солгарди Истиқлолияти давлатии Ҷумҳурии Тоҷикистон маросими супоридани мукофотҳои давлатӣ баргузор гардид.
Дар супоридани мукофоти давлатӣ мушовири бахши ёрдамчии Президенти Ҷумҳури Тоҷикистон оид ба масъалаҳои рушди иҷтимоӣ ва робита бо ҷомеа Абдуллозода Масрур Аҳмад иштирок дошт.
Дар оғози ҷаласа директори Марказ Ҷаъфарзода Сабзалӣ Файзалӣ суханронӣ намуда, сипас дар робита ба рӯзномаи ҷаласа суханро ба Абдуллозода Масрур Аҳмад – мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа дод.
Абдуллозода М. А. кормандони Марказро ба муносибати 33-юмин солгарди Истиқлоли давлатии Ҷумҳурии Тоҷикистон таҳният гуфта, иброз дошт, ки ҳамасола аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи таҷлили ҷашни муқаддаси миллӣ – Истиқлоли давлатӣ бо мукофотҳои давлатӣ, ҷоизаҳо ва унвонҳои фахрӣ арҷгузорӣ кардани шаҳрвандон нишони олии қадрдонӣ аз заҳмату талошҳои онҳо дар рушди соҳаҳои гуногуни кишвар ба ҳисоб меравад.
Дар асоси фармони Президенти Ҷумҳурии Тоҷикистон муҳтарам Эмомалӣ Раҳмон муовини директори Марказ Олимҷонзода Уктам Олимҷон ва сардори шуъбаи молияи Марказ Назирзода Раҳматулло Назир бо мукофоти давлатӣ – медали “Хизмати шоиста” арҷгузорӣ шуданд.
Дар анҷом Абдуллозода Масрур Аҳмад фаъолияти кормандони Марказро хуб арзёбӣ намуда, ба онҳо комёбӣ хост.
