Душанбе, 22-юми феврали соли 2018

Ба диққати шахсоне, ки барои иштирок дар имтиҳонҳои марказонидаи дохилшавӣ дар соли 2018 аз қайд гузаштан мехоҳанд, расонида мешавад, ки тибқи супориши Ҳукумати Ҷумҳурии Тоҷикистон ба нақшаи қабули донишҷӯён барои соли таҳсили 2018-2019 иловаҳо ворид гардид. Тибқи он аз рӯйи ихтисоси “1 750101-01 – дендрология (дарахтшиносӣ)”-и Донишгоҳи миллии Тоҷикистон 25 ҷой (10 ҷой аз рӯйи таҳсили ройгон ва 15 ҷой аз рӯйи таҳсили пулакӣ) илова карда шуд.

Лозим ба қайд аст, ки дар рӯйхати комбинатсияҳои ихтисосҳои замимашуда ба дастури иттилоотию методии “Роҳнамои довталаб”, ки дар шакли чопӣ ба муассисаҳои таълимӣ ва ғайра тақсим карда шудааст, иловаҳои мазкур дарҷ нагардидаанд. Рӯйхати электронии комбинатсияҳои ихтисосҳои дар сомонаи Марказ ҷойдодашуда, инчунин рӯйхатҳои чопие, ки дар нуқтаҳои бақайдгирӣ ба довталабон пешниҳод карда мешаванд, бо дарназардошти иловаҳои зикршуда таҳия гардидаанд.