МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълон дар бораи ҷои кории холӣ
Маркази миллии тестии назди Президенти Ҷумҳурии Тоҷикистон барои ишғоли вазифаи сармутахассиси фанни забони тоҷикии раёсати таҳияи маводди имтиҳон озмун эълон менамояд.
Талаботи тахассусӣ
Сармутахассиси фанни забони тоҷикӣ дар таҳияи саволу масъалаҳои тестӣ барои имтиҳонҳо, олимпиадаҳо ва арзёбиҳое, ки аз фанни дахлдор Марказ баргузор мекунад, такмили «Бонки саволҳои тестӣ» вобаста ба ҳадафҳои Марказ, риояи талабот доир ба сифат ва миқдори саволу масъалаҳои тестии дар мушаххасоти имтиҳонҳо, олимпиадаҳо ва арзёбиҳо нишондода, иштирок дар арзёбии тестҳо ва натиҷаи санҷишу имтиҳонҳо, таҳия ва тартиб додани ҳуҷҷатҳои иттилоотӣ барои беҳтар кардани сифати саволу масъалаҳои тестӣ ва коркарди тестҳо вазифадор буда, бояд ба талаботи зерин ҷавобгӯй бошад:
- таҳсилоти олии касбӣ дар соҳаи филологияи тоҷик (омӯзиш дар курсҳои махсус бо пешниҳоди сертификат бартарӣ дониста мешавад);
- дониши хуби забонӣ (нутқи хаттӣ ва шифоҳӣ);
- собиқаи кории на камтар аз 3 сол дар муассисаҳои таҳсилоти миёнаи умумӣ ва олии касбӣ (ва ё муассисаҳои дигари соҳаи маориф) ба сифати омӯзгори фанни забони тоҷикӣ;
- дониш ва қобилияти зуд аз худ кардани қоидаҳо, тартиби таҳияи тест;
- дониш ва қобилияти зуд аз худ кардани назарияи классикӣ ва муосири тестҳо;
- қобилияти кор кардан дар гурӯҳ ва дар шароити махфӣ;
- малакаи кофӣ дар коркарду таҳияи санадҳо ва ҳуҷҷатҳои меъёрӣ барои кори иҷрошаванда;
- малакаи кор бо компютер, қобилияти истифодаи маҷмӯи барномаҳои коркарди матнҳо, омода кардани маводди зарурӣ дар шакли электронӣ тавассути барномаҳои бастаи MS Office, аз ҷумла Word, Excel, Power Point ва ғайра;
- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.
Барои иштирок дар озмун хоҳишмандон бояд ариза ва резюмеи худро ба забони тоҷикӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо то соати 17:00, 14-уми феврали соли 2022.
Нишонӣ:
734003, ш. Душанбе, хиёбони Рӯдакӣ, 192.
Тел.: (+992 37) 224 53 67, 224 53 68.
Нишонии электронӣ: gdavlatova@ntc.tj
Шахси мутасаддӣ: Г. Давлатова
