Маркази миллии тестии назди Президенти Ҷумҳурии Тоҷикистон барои ишғоли вазифаҳои зерин озмун эълон менамояд:

1. ёвари директор;
2. сардори шуъбаи молия – сармуҳосиб;
3. сардори бахши минтақавии раёсти ташкил ва идораи дар шаҳри Хуҷанд;
4. сармутахассиси фанни физикаи раёсати таҳияи маводди имтиҳон;
5. мутахассиси бахши минтақавии раёсати ташкил ва идораи имтиҳон дар шаҳри Хуҷанд;
6. мутахассиси бахши минтақавии раёсати ташкил ва идораи имтиҳон дар шаҳри Хоруғ;
7. сармутахассис-котиби директор.

1. Ба вазифаи ёвари директор шахсе ба кор қабул карда мешавад, ки ба талаботи тахассусии зерин ҷавобгӯй бошад:

- таҳсилоти олии касбии иқтисодӣ, рӯзноманигорӣ, ҳуқуқ, ҷамъиятшиносӣ ё соҳаи ба ҳаминҳо монанд;

- малакаи хуби идоракунии раванди коргузорӣ, дониш ва таҷрибаи хуб дар мукотибаи расмию корӣ;

- малакаи хуби анҷом додани мукотиботи расмию корӣ, таҳлилу таҳрир ва омода намудани ҳисоботу гузоришҳо ва хулосабарорӣ;

- донистани забонҳои тоҷикӣ ва русӣ. Малакаи хуби таҳрири имлоӣ ва наҳвӣ бо забонҳои тоҷикӣ ва русӣ;

- малакаи хуби кор бо компютер ва қобилияти истифодаи барномаҳои мухталифи компютерӣ;

- собиқаи кории на камтар аз 3 сол дар соҳаи маориф;

- малакаи хуби гуфтугӯ ва навиштан ба забони англисӣ бартарӣ дониста мешавад.

2. Ба вазифаи сардори шуъбаи молия – сармуҳосиб шахсе ба кор қабул карда мешавад, ки ба талаботи тахассусии зерин ҷавобгӯй бошад:

- доштани таҳсилоти олии иқтисодӣ бо собиқаи сесолаи кории амалӣ ба ҳайси муҳосиб, иқтисодчӣ, мутахассиси молия, андоз ё таҳсилоти миёнаи махсуси касбӣ бо собиқаи панҷсолаи амалии корӣ аз рӯйи ҳамин ихтисосҳо;

- донистани санадҳои меъёрии ҳуқуқии Ҷумҳурии Тоҷикистон, аз ҷумла санадҳои байналмилалии эътирофнамудаи Ҷумҳурии Тоҷикистон дар соҳаи баҳисобгирии муҳосибӣ ва ҳисоботи молиявӣ, инчунин қонунгузории соҳаи молия ва андозбандии самти фаъолият;

- малакаи хуби идоракунии раванди муҳосибӣ, молиявӣ, иқтисодӣ ва таҷрибаи хуб дар мукотибаи расмию корӣ;

- малакаи хуби таҳияи ҳисоботҳо, банақшагирии молиявӣ, таҳия ва ҳимояи буҷаи пешниҳодкарда дар мақомоти дахлдор, анҷом додани тендерҳои барои Марказ зарурӣ;

- малакаи кор бо компютер ва технологияҳои иттилоотию коммуникатсионии дигари барои фаъолият зарурӣ;

- малакаи зарурӣ оид ба истифодабарии стандартҳои байналмилалии баҳисобгирии муҳосибӣ дар бахши давлатӣ дар раванди пешбурди баҳисобгирӣ ва таҳияи ҳисоботи молиявӣ;

- малакаи хуби муошират, аз ҷумла маҳорати ҳимояи манфиатҳои давлатӣ;

- дар 3 сол на камтар аз 1 маротиба баланд бардоштани тахассуси касбӣ.

3. Ба вазифаи сардори бахши минтақавии раёсти ташкил ва идораи дар шаҳри Хуҷанд шахсе ба кор қабул карда мешавад, ки ба талаботи тахассусии зерин ҷавобгӯй бошад:

- таҳсилоти олии касбӣ (омӯзиш дар соҳаҳои омӯзгорӣ, ё информатика ва ё менеҷмент, аз ҷумла дар курсҳои кутоҳмуддат бо пешниҳоди сертификат, бартарӣ дониста мешавад);

- собиқаи кории на камтар аз 5-сола дар соҳаи маъмурият ва ё идоракунии чорабиниҳои калонҳаҷм дар сатҳи баланд;

- сатҳи баланди ташкили ва идоракунии чорабиниҳо;

- қобилияти идораи кормандони касбию маъмурӣ ва таъмини роҳбаладии устувор ва босамари онҳо;

- қобилияти дақиқкорӣ дар шароити назорати ҳадди аққал ва риояи ҷиддии муҳлати барои иҷрои кор муқарраршуда;

- малакаи хуби коммуникатсионӣ - гуфтушунидҳо ва муошират дар аудитория ва сатҳи гуногун (ба забонҳои русӣ ва хориҷӣ бартарӣ дониста мешавад) ва муоширати рушдёфтаи хаттӣ;

- қобилияти кор бо шарикони дигари Марказ дар сатҳҳои гуногуни минтақаи фаъолияти ба ӯ вобасташуда;

- қобилияти ҳамкории доимӣ доштан бо кормандони асосии Марказ ҷиҳати баррасию ҳалли мушкилоти мавҷуда ва пешниҳоди машваратҳои стратегӣ ва тавсияҳо ба роҳбарияти Марказ;

- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);

- малакаи хуби кор бо компютер ва қобилияти омода кардани маводди зарурӣ дар шакли электронӣ тавассути барномаҳои гуногуни компютерӣ;

- малакаи кофӣ барои коркард ва таҳияи санадҳо ва ҳуҷҷатҳои меъёрӣ барои кори иҷрошаванда (ба забонҳои русӣ ва хориҷӣ бартарӣ дониста мешавад);

- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.

4. Ба вазифаи сармутахассиси фанни физикаи раёсати таҳияи маводди имтиҳон шахсе ба кор қабул карда мешавад, ки ба талаботи тахассусии зерин ҷавобгӯй бошад:

- таҳсилоти олии касбӣ аз рӯйи самти тадриси физика ё илмҳои физикӣ (омӯзиш дар курсҳои махсус бо пешниҳоди сертификат бартарӣ дониста мешавад);

- собиқаи кории на камтар аз 3 сол дар муассисаҳои таҳсилоти миёнаи умумӣ ва таҳсилоти олии касбӣ (ва ё дар дигар муассисаи соҳаи маориф) ба сифати мутахассиси фаннӣ;

- дониш ва қобилияти зуд аз худ кардани назарияи классикӣ ва муосири тестҳо;

- малакаи баланди муоширати шифоҳӣ ва хаттӣ;

- қобилияти кор кардан дар гурӯҳ ва дар шароити махфӣ (дар ҳолате, ки риояи махфият аз меъёрҳои асосии кори иҷрошаванда маҳсуб меёбад);

- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);

- малакаи кофӣ барои коркард ва таҳияи санадҳо ва ҳуҷҷатҳои меъёрӣ барои кори иҷрошаванда;

- малакаи хуби кор бо компютер ва қобилияти омода кардани маводди зарурӣ дар шакли электронӣ тавассути барномаҳои гуногуни компютерӣ;

- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.

5. Ба вазифаи мутахассиси бахши минтақавии раёсати ташкил ва идораи имтиҳон дар шаҳри Хуҷанд шахсе ба кор қабул карда мешавад, ки ба талаботи тахассусии зерин ҷавобгӯ бошад:

- таҳсилоти олии касбӣ дар соҳаҳои информатика ва ё омӯзгорӣ (омӯзиш дар курсҳои махсус, аз ҷумла дар курсҳои кутоҳмуддат бо пешниҳоди сертификат, бартарӣ дониста мешавад);

- собиқаи кории на камтар аз 3-сола дар соҳаи маориф;

- қобилияти дақиқкорӣ дар шароити назорати ҳадди аққал ва риояи ҷиддии муҳлат барои иҷрои кор ҷудошуда;

- қобилияти кори даставӣ (ҳамкорӣ бо кормандони дигари Марказ);

- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);

- қобилияти ҷамъоварии маълумоти оморӣ аз муассисаҳои таълимӣ;

- малакаи хуби кор бо компютер ва қобилияти омода кардани маводди зарурӣ дар шакли электронӣ тавассути барномаҳои гуногуни компютерӣ;

- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.

6. Ба вазифаи мутахассиси бахши минтақавии раёсати ташкил ва идораи имтиҳон дар шаҳри Хоруғ шахсе ба кор қабул карда мешавад, ки ба талаботи тахассусии зерин ҷавобгӯ бошад: 

- таҳсилоти олии касбӣ дар соҳаҳои информатика ва ё омӯзгорӣ (омӯзиш дар курсҳои махсус, аз ҷумла дар курсҳои кутоҳмуддат бо пешниҳоди сертификат, бартарӣ дониста мешавад);

- собиқаи кории на камтар аз 3-сола дар соҳаи маориф;

- қобилияти дақиқкорӣ дар шароити назорати ҳадди аққал ва риояи ҷиддии муҳлат барои иҷрои кор ҷудошуда;

- қобилияти кори даставӣ (ҳамкорӣ бо кормандони дигари Марказ);

- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);

- қобилияти ҷамъоварии маълумоти оморӣ аз муассисаҳои таълимӣ;

- малакаи хуби кор бо компютер ва қобилияти омода кардани маводди зарурӣ дар шакли электронӣ тавассути барномаҳои гуногуни компютерӣ;

- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.

7. Ба вазифаи сармутахассис-котиби директори бахши коргузори ва назорат шахсе ба кор қабул карда мешавад, ки ба талаботи тахассусии зерин ҷавобгӯй бошад:

- таҳсилоти олии касбӣ (соҳаи коргузорӣ ва омӯзиш дар курсҳои махсус бо пешниҳоди сертификат бартарӣ дониста мешавад);

- собиқаи кории на кам аз 2 сол дар соҳаи дахлдор;

- таҷрибаи кор бо гардиши ҳуҷҷатҳои электронӣ ва (ё) чопӣ;

- малакаи хуби кор бо компютер;

- донистани қоидаҳои истифодаи дастгоҳҳои гуфтугӯ, қабулу интиқоли ҳисоботи шакли электронӣ;

- донистани забонҳои тоҷикӣ ва русӣ (донистани забонҳои дигари хориҷӣ бартарӣ дониста мешавад).

 Аз хоҳишмандон ҳуҷҷатҳои зерин талаб карда мешавад:

• ариза ба унвони директори Маркази миллии тестии назди Президенти Ҷумҳурии Тоҷикистон;
• тарҷумаи ҳол (чопӣ ва электронӣ);
• варақаи шахсии баҳисобгирии кадрӣ;
• нусхаи шиноснома;
• нусхаи ҳуҷҷатҳо дар бораи таҳсилот;
• нусхаи дафтарчаи меҳнатӣ;
• маълумотномаи тиббӣ дар бораи вазъи саломатӣ (шакли 038 УЕ).
• маълумотнома дар бораи надоштани доғи судӣ;
• акс (3х4 ранга 2 адад, 4х6 2 адад).

Муҳлати ниҳоии қабули ҳуҷҷатҳо:

21 рӯз аз замони нашри эълон.

Ҳуҷҷатҳои зикргардида ба суроғаи зерин пешниҳод карда шаванд: 

734003, ш. Душанбе, хиёбони Рӯдакӣ, 192.

Тел.: (+992 37) 224 53 67, 224 53 68.

Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Шахси мутасаддӣ: П. Шаропова