ОЛИМҶОНЗОДА УКТАМ ОЛИМҶОН
Муовини директори Маркази миллии тестии
назди Президенти Ҷумҳурии Тоҷикистон
30 январи соли 1978 дар Ҷумҳурии Тоҷикистон таваллуд шудааст, тоҷик, маълумоташ олӣ. Номзади илмҳои иқтисодӣ, дотсент. Аълочии маориф ва илми Тоҷикистон.
Мактаби миёнаи рақами 12-и ш. Бохтарро соли 1994 хатм намудааст. Соли 2000 Донишгоҳи технологии Тоҷикистонро аз рӯи ихтисоси иқтисодчии байналмиллалии донандаи забони хориҷӣ хатм намудааст. Соли 2011 рисолаи илмиро ҳимоя менамояд ва соҳиби дараҷаи илмии номзади илмҳои иқтисодӣ мегардад.
Фаъолияти меҳнатиро соли 1997 аз вазифаи инспектори хадамоти амниятии Донишгоҳи технологии Тоҷикистон оғоз намудааст. Аз соли 2000 то соли 2016 дар Донишгоҳи технологии Тоҷикистон дар вазифаҳои лаборант, барномасоз, мудири шабакаи компютерӣ, ассистент, саромӯзгор, ҷонишини декан, мудири кафедраи “Информатика ва ҳифзи иттилоот”, декани факултети “Система ва технологияҳои иттилоотии соҳавӣ” ва дотсенти кафедра фаъолият намудааст. Солҳои 2016-2022 дар Маркази миллии тестии назди Президенти Ҷумҳурии Тоҷикистон дар вазифаҳои мутахассис-барномасоз, сармутахассиси хизматрасонии техникӣ ва шабакаҳои маҳаллӣ ва сармутахассиси коркарди маводи имтиҳон фаъолият намудааст. Аз моҳи июни соли 2022-ум то ҳоло муовини директори Маркази миллии тестии назди Президенти Ҷумҳурии Тоҷикистон мебошад.
Оиладор ва соҳиби се фарзанд мебошад.
Нишонии почтаи электронӣ: uk_kimsanov@ntc.tj
