Бале, Шумо метавонед дар вақти бақайдгирӣ ба яке аз нуқтаҳои бақайдгирӣ рафта бо пешниҳоди ҳуҷҷатҳои худ аз қайд гузаред. Дар баробари ҳуҷҷатҳои худ нусхаи билети ҳарбиро низ пешниҳод намоед. Ба довталабоне,  ки  2 соли  пурра  хизмати  ҳарбиро  дар  Қувваҳои  мусаллаҳи  Ҷумҳурии Тоҷикистон адо кардаанд имтиёз муқаррар гардидааст.

Барои дохилшавӣ ба муассисаҳои таълимии таҳсилоти миёна ва олии касбӣ аз рӯйи шакли рӯзонаи таҳсил маҳдудияти синнӣ муқаррар гардидааст, ки тибқи он таҳсили рӯзонаро аз муассисаҳои таълимии таҳсилоти олии касбӣ танҳо  шахсони то 35‐сола ва аз муассисаҳои таълимии таҳсилоти миёнаи касбӣ  танҳо шахсони то 30‐сола интихоб карда метавонанд.

Маълумоти муфассалро дар бораи чунин масъалаҳо аз дастури иттилоотию методии “Роҳнамои довталаб”, ки гунаи электронии он дар сомонаи Марказ (Роҳнамои довталаб) ҷой дода шудааст, дастрас кардан мумкин аст.

 

---

21.01.2021

Мувофиқи тартиби муқаррарнамудаи Ҳукумати Ҷумҳурии Тоҷикистон, дар ИМД шахсоне ҳуқуқи иштирок карданро доранд, ки хатмкунандаи муассисаҳои таълимии таҳсилоти миёнаи умумӣ, ибтидоӣ ё миёнаи касбӣ мебошанд ё яке аз ин муассисаҳоро хатм кардаанд. Яъне, тибқи тартиби мазкур ба шахсони дорои таҳсилоти олии касбӣ ҳуқуқ барои иштирок дар ИМД дода нашудааст.

Қабули донишҷӯёнро барои гирифтани таҳсилоти дуюм худи муассисаҳои таълимӣ ба роҳ мемонанд. Аз рӯ, оид ба ин масъала Шумо бояд ба муассисаи таълимие, ки дар он таҳсилоти олии касбии дуюмро гирифтан мехоҳед, муроҷиат намоед.

---

14.03.2020

Марказ бо мақсади такмили низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) тарҳи нави маҷмӯи фанҳои имтиҳониро вобаста ба гурӯҳҳои ихтисосҳо бо дар назар доштани танҳо як маротиба имтиҳон супоридани довталабони дорои таҳсилоти миёнаи умумӣ (синфи 11‑ум), ибтидоӣ ва миёнаи касбӣ таҳия кард.

Тибқи тарҳи нав аз қисми А (имтиҳони умумӣ), ки онро солҳои пешин ҳамаи довталабони дорои таҳсилоти миёнаи умумӣ (синфи 11-ум), ибтидоӣ ва миёнаи касбӣ месупориданд, танҳо як субтест – “Забони тоҷикӣ” ва аз қисми Б (имтиҳони ихтисос)-и солҳои пеш се субтести дигари вобаста ба ҳар гурӯҳи ихтисосҳо пешбинишуда дар як қисм (тибқи номи нав: А – имтиҳон дар заминаи таҳсилоти умумӣ) дохил карда шуд. Яъне, аз имтиҳони умумии солҳои пеш ду субтести охири он (2-юм – “Математика” ва 3-юм – “Таърихи халқи тоҷик ва асосҳои давлат ва ҳуқуқ”) ба тарҳи нави маҷмӯи фанҳои имтиҳонӣ дохил карда нашудааст.

ИМД аз соли ҷорӣ тибқи тарҳи нав ба роҳ монда мешавад.

---

14.03.2020

Айни замон рӯйхати шаҳру ноҳияҳое, ки барои довталабони онҳо ҳангоми дохил шудан ба Донишгоҳи давлатии тиббии Тоҷикистон ба номи Абӯалӣ ибни Сино, Донишгоҳи давлатии тиббии Хатлон ва коллеҷҳои тиббӣ коэффитсиент муқаррар шудааст, ба Мараз пешниҳод нашудааст. Пас аз дастрас гардидани рӯйхати мазкур, маълумоти зарурӣ дар ин бора дар сомонаи Марказ ҷой дода хоҳад шуд. Вобаста ба ин, ба Шумо тавсия медиҳем, ки эълону матлабҳои сомонаи Марказро мунтазам хонед.

---

14.03.2020