ЭЪЛОН ДАР БОРАИ АККРЕДИТАТСИЯИ НАМОЯНДАГОНИ ВАО БАРОИ БОЗДИД АЗ МАРКАЗҲОИ ИМТИҲОНӢ

Душанбе, 23-уми июни соли 2015

Ба таваҷҷуҳи намояндагони воситаҳои ахбори омма мерасонем, ки аз 24‑уми июни соли 2015 Маркази миллии тестии назди Президенти Ҷумҳурии Тоҷикистон аккредитатсияи намояндагони ВАО-ро барои боздид аз марказҳои имтиҳонӣ ва инъикоси иттилоотии баргузории имтиҳонҳои марказонидаи дохилшавӣ (ИМД) ба муассисаҳои таҳсилоти миёна олии касбӣ, ки аз 1‑ум то 12‑уми июли соли ҷорӣ дар 41 маркази имтиҳонӣ, воқеъ дар 15 шаҳру ноҳияи интихобии Ҷумҳурии Тоҷикистон сурат хоҳад гирифт, оғоз менамояд.

Намояндагони ВАО, ки хоҳиши боздид аз марказҳои имтиҳонӣ ва инъикоси иттилоотии раванди ИМД-ро доранд, бояд ба маркази матбуотии Маркази миллии тестии назди Президенти Ҷумҳурии Тоҷикистон муроҷиат намоянд.

Барои баррасии муроҷиатҳо пешниҳоди маълумоти зерин лозим аст:

1. Номи пурра ва расмии ВАО; ҳудуди паҳншавии маҳсулоти ВАО; шакли нашри иттилоот; даврияти чопи ВАО; адади нашри ВАО; индекси почта ва нишонии редаксияи ВАО; рақами телефон ва факси сармуҳаррири ВАО, нишонии почтаи электронӣ;

2. Ному насаб (пурра)-и намояндаи ВАО, вазифаи ишғолнамудааш, рақами телефони корӣ ва факс, ки барои ба таври фаврӣ бо ӯ доимо дар тамос будан имконият медиҳад.

3. Номи пурра ва расмии ВАО/журналисти хориҷӣ, давлат; шаҳодатномаи аккредитатсияи ВАО/журналист дар Вазорати корҳои хориҷии Ҷумҳурии Тоҷикистон, вазифаи ишғолнамудаи намояндаи ВАО, рақами телефони корӣ/мобилӣ ва почтаи электрониаш, ки барои ба таври фаврӣ бо ӯ доимо дар тамос будан имконият медиҳад.

Муроҷиати намояндагони ВАО барои аккредитатсия то соати 17:00 30 июни соли 2015 қабул мегардад.

Телефонҳо барои тамос:

(+992) 933-33-38-24; (+992) 915-98-00-84

e-mail: Этот адрес электронной почты защищен от спам-ботов. У вас должен быть включен JavaScript для просмотра.